Monday, January 29, 2007

Big... Shilpa...



"Big Brother" aur Shilpa ka rishta to ab agle kisi naye vivad tak koi nahi bhool payega chahe wo Bhartiya sarkar ho ya British sarkar. Rajneeti ke galiyaron ko garam karne ke saath saath Shilpa ne apne bank account ko bhi karodon ka wajan de diya hai.

Aaj tak hindi film udhyog me dviteey shreni ki abhinetriyon me aane wali Shilpa ke liye ab filmon aur vigyapano ke buland darwaze khul chuke hai. Soundarya prasadhan banane wali companio ko to jaise "Big Brother" ki vijeta ke roop me "God Mother" mil jayegi.

Kuchh bhi ho lekin "Big Brother" jaise reality show ne logon ko paise ka mahatva batana to shuru kar diya hai. Paison ke liye apne tan ke kapdon tak ka dhyan na rakhne wale un logon ko apni jaati aur nasal par kiye hue shabdon ke prahar ka bhi koi farak nahi padta.

Kal tak show ke band kamron ke bheetar galiyon ki bouchhar karne wali "Jade Goody" ko Shilpa adaalat ke katgharon me khada karne ko aatur thi. Show ko jeetne ke baad use hi gale se laga kar badhaiyan lee ja rahi thee. Waheen Shilpa ki maata ji us hi ladki ke Bharat bhraman ke douran use bhojan ke liye aamantrit karna chahti hain. Yeh sab Sirf isliye kyonki ye show ke nirmataon ki maang thi jise poora na karne par Vijeta ka naam bhi badla ja sakta hai aur shayad Vijeta bhi.

Lokpriyata ke chano ko bhunane ke liye Television naam ke dabbe me wo sab dikhaya jata hai jo nirmata chahta hai. Aur us hi kalpanikta ke peechhe hum kuchh dinon se paglaye hue hain.


Pahle se banaye hue aur soche samjhe tareekon se vijetaon ka parinam nikalne wale is tarah ke reallity show apne TRP ko badane ke liye kuchh bhi kar sakate hain. Phir jo kuchh Shilpa ke saath hua wo to kuchh naya nahi hai. Sath hi yeh Meena bazaar ki us abhinetri ke liye bhi bada nahi jisne apne shuruaati dour me film ki script tak padhna munasib nahi samjha tha.

5 comments:

nothin.. within said...

i agree with whatever u have written ye sab publicity ke tarike hai aur Brand Value badane ke ek pal dushman to doosare pal me dost in logo ke khud ke to koi jasbat hote nahi karodo bhartiyo ke jasbat se khelte rahte hai.sabse bada rupaiya bhaiya!

Me Thinks.. said...

You know what, abhi raat ke 11:46 baj rahe hain aur main lab sirf big brother ke bare mein post karne ke liye aayi thi...
Par tumne to already mera kaam kar diya...bad boy ;)

Anyway, if shilpa had any self respect, she would have come back...another question to ask here is how real are these reality shows?? Nobody knows?
What is reality? remember? ;) Racing towards big bucks is what she did and now it will be known as Racism!!

richagoel17@gmail.com said...

whatever you said really makes sense, I know these Reality TV shows are fake, play with emotions thats how loads of ppl are earning, emotions se pait nahi bharta... and you have to earn.
Nice post...
Kudos!!

Reema Banerjee said...

she got her money. i think dat lady is a smart business woman. ders nuthin wrong with knowing how to make money.

pRicky said...

I disagrre with MT that shilpa should have returned...agree with reema
cosmos, it is precisely about the word propoganda...