Apna Bana Sakte The

Tere jis pyar ko dil me basa sakte the
Ye duniya us hi pe aaj fikre kasa karti hai
Duniya ki parwah to humne ki bhi na hoti
Magar... Tum bhi to kabhi hume apna bana sakte the

Jis naam ko darte rahe tum saath lagane se
Chhupate rahe har baat sare-aam zamane se
Us hi jazbaat ke khatir hum kya-kya na jala sakte the
Tum bhi to kabhi hume apna bana sakte the

Chalo badnaami ka waham hai wajib
Hum bhi nahi karte kisi ilzam ko kharij
Ishq hai tumhe bhi kano.n me bata sakte the
Aah.. Tum bhi to kabhi hume apna bana sakte the

Ek tees to humare dil me hi uthegi hamesha
Karti rahegi ek baat hamesha hi pareshaan
Tere chaak-e-dil pe hum jaan luta sakte the
Magar ek baar... Tum bhi to kabhi hume apna bana sakte the....