Monday, March 23, 2009

The Indian Political League



The Indian Premier Leauge (IPL) jo ki pichale saal bahut si baaton jasie paisa badi hastiyan jaise Shahruk, Preity, Malya, Ambani, cheer leaders, videshi diggaj khiladiyon aur phir baad me Rajasthan Royals jaisi chhoti team ke pradarshan ke kaaran se mashhoor hua tha, aaj poore media me kisi aur hi baat ko lekar surkhiyon me hai.

Pahle to tareekh par tareekh, tareekh par tareekh (sounds like Sunny Deol) badalti gayi, aur is hi se tang aakar Rajasthan Cricket Academy ke chunav haar kar pahle se pareshan Lalit Modi ne apni bachi khuchi ijjat ko bachane ke liye saara ilzam sarkar ke sar par daalte hue sabhi tarah ke sitaron se lade is khel ko saat samandar paar le jaane ki baat keh dali.

Aur phir shuru hua asli khel: Lok Sabha chunav jiski garmi abhi tandoor jitni to nahi hui hai leking phir bhi tave par rotiyan sek paane ke kafi hai, usme sabse pahle apna dao maara BJP ke general secretary Arun Jaitley tam tamate hue kahne lage ki IPL ke bahar chale jaane se desh ka paryatan vyavsay prabhavit hoga. Unka kehna ye bhi tha ki jo desh sitara khiladiyon ki raksha nahi kar sakta wo aam paryatakon ki suraksha kaise karega, is hi binah par doosre deshon se log Bharat aana band kar denge. Aur unhone Wimbledon jaise kuchh international tournaments ki baat bhi kahi to aisa laga jaise Jaitley ji ko khel se kitna lagav hai, magar itna lagav hone ke baavjood bhi sirf ek saal baad Dilli me hone wale Commonwealth Games ke baare me baat karte kabhi dikhai nahi diye.
Lekin ek to Delhi Cricket Association ke president aur BJP ke GS hone ke naate Cricket ke paksh aur Sarkar ke vipaksh me to man mar kar bhi Jaitley sahab ko bolna padega. Par shayad ek baar Jaitley ji ne bolne se pahle ye to socha hota ki jo kuchh Lahore me Sri Lanka team ke saath hua khuda na khasta, Bharat me kisi doosre desh ke khiladi ke saath ho jaata to humare desh me cricket ke haalat Pakistan se bhi badtar ho jaate.


Phir saamne aaye Narendra ji Modi aur bol pade ki IPL ka desh ke baahar jaana 'National Shame' hai, lekin pahle ye na dekha unhone ki chunav ke doran Gujrat ko kitni para millitary ki battalion chahiye hogi. LoC par jo firing ho rahi hai desh ki sena sarhad samhalegi, chunav ke beech aantarik stithiyon se niptegi ya phir khiladiyon ki suraksha karegi?


Aur baat rahi IPL ke boss Modi ki to paise ke alaava is Modi ko kuchh aur dikhai nahi deta hai. Jab IPL-II schedule ka blueprint taiyaar kiya ja raha tha tab Boss ke dimaag me kuchh match England me rakhne ka khayaal aaya tha kyonki ek badi team Royal Challengers ke Mallya ka ek bada establishment England me moujood hai aur is team ke supporters bhi. Jab wo plan safal na hua to mouka milte hi Boss ne poora tournament shift karne ki baat kar daali.

Ek waqt aisa tha jab Boss kah rahe the ki unhe Bharat ki janta se bahut pyaar hai aur unhi ke liye ye tournament ho raha hai lekin bahar jaane ki baat karne se pahle Boss ke dimaag me ek baar bhi us pyari janta ka khayal na aaya.

Khair Indian Premeir League-2 aur India Political League-15 ka jo hoga so hoga. Haan lekin Boss ko 16 May tak to neend nahi aayegi aur us din agar UPA ka oonth phir se sahi karwat baith gaya to phir to Boss ki neend agle paanch saalon tak haram ho jayegi.

6 comments:

bhavna2716 said...

Hindi badi bigad gayi hai teri.. but despit agree wid u on many things 1. Before preparing the schedule mthe fact dat SL ll be attacked in pakistan n bla bla bla

2. He has no other choice but to move it to some other country coz Gehlot already played a dirty game so UPA just bcoz he supported Vasundhara in the Raj. election
n atlast its better to have it somewhr else rhthr than not hosting it ..

Cosmos said...

Dear Nothing: Haan Hindi ki to baat hi chhod de yaar likhna to kab se band kar diya hai padhne ko milti nahi hai, aur phir tere jaise Hindi me kaam karne ko bhi nahi milta ;)

Ok lets come to the point, that's why I called it Indian Political League. See you can't deny the security concern. The states who refused to give the nod to IPL are Congress ruled, I agree, but you see the other angle than those are the only states which are badly hit by terrorism in recent past — Hyderabad, Jaipur and Mumbai — and especially during the elections they have to think twice before giving away any kind of security to anyone else than to elections.
And if you talk about optins which Boss had, so the tournament could have been postpond to some other dates. And if he wanted to go abroad then it was completely fine untill he didn't blame it on the government.
As a citizen of India Boss should understand the internal problems of the country and he should respect the sentiments of the people.

bhavna2716 said...

kaha postpone karte yaar thr is world cup twenty twenty, ashes , chepions trophy n chempions league agale april tak d ICC calender is full no space for IPL. So Modi has no other option then either cancle it this year or held it smwhr else and dats wat he did

bhavna2716 said...

kaha postpone karte yaar thr is world cup twenty twenty, ashes , chepions trophy n chempions league agale april tak d ICC calender is full no space for IPL. So Modi has no other option then either cancle it this year or held it smwhr else and dats wat he did

Cosmos said...

Ya agree there is no date in the ICC calender, but I said I agree he had to shift it to somewhere but why to blame it on the government when the whole country is going for much important job than a game.
And for the Bangalore question just see the intensity of terrorism in those states and Karnataka.

bhavna2716 said...

if it was so ... then why Maharashtra said no at the last moment earlier de were very much ready to host as much as 14 matches in Mumbai 4 in Nagpur why all this at the last tym thr is nothin but d politicisation of the game n d way this ppl behaved Modi n BCCI must have hurt yaar. If u cant manage u cud hav told it earlier Sidhi si baat hai sheer sheer idiotic political harakte nothin else.. he didnot blame PC he blame Maharashtra govt i m think he did nothing wrong moving d IPL abroad