Sunday, March 15, 2009

Gulal brings colours for hindi loving log




"Law padhne aaye ho, ja kar itihaas padho. Aur dekho aaj tak saala justice nahi hua hamare saath hua hai to sirf dhokha." Anurag Kashyap ki film Gulal ke lafz kam se kam ek baar sochne par majboor karte hain ki kya waqai jo Dukki Bana (KK Menon) kah rahe hai, sach hai.

Dekha jaye to poori film ka har ek dialouge desh ke kisi na kisi mudde ko sabhi ke samne lekar aane ki koshish karta hai, phir wo chahe Dukki Bana jaise rasookhdaar insaan ke muh se nikle ya phir us hi ke bade bhai (Piyush Mishra) ki kavitaon se darshakon tak pahunche.
Anurag Kashyap ne waqi is film ke liye bhale hi 8 saalon tak kaam kiya ho lekin, aakhirkar itne saalon ki mehnat ka rang film me saaf nazar aata hai.
Har ek actor aur uska character bahut hi soch samajh kar likha gaya hai aur utni hi behatreen tareeke se screen par laya gaya hai.
Haalaki film doosre half me kuchh lambi khinchti se dikhai deti hai lekin uske bawjood bhi ek film ke roop me Gulal uske dekhne walon ke dilon tab tak apni pakki jagah bana kar rakhegi jab tak ki Gulal jaisi hi koi film na aaye.
Film ka har ek charactor soch samajh kar likha gaya hai aur har ek baat se poori film ka tana bana buna gaya hai ki ek bhi dialouge miss karna dekhne wale ki apne aap se nainsafi hogi.
Aur agar koi ek cheez aisi poochhi jaaye jiske liye film ko alag se dekha ja sakta hai to wo hai Piyush Mishra, jo har ek kavita aur jo chhand Mishra ji ne is film ke liye likhe hain wo shayad aaj tak ka unka sabse achchha kaam hai.

Kul mila kar koi agar mere hisab se is film ko dekhne jaye to is film ko 4 stars se kam dena ek dum nainsafi hogi.

4 comments:

mystupendoussalvation said...

Earlier I was in NO NO mood to watch it,however, u have present it that way...that compels me to see.thanx.n please keep posting.will look forward for more.

Cosmos said...

You must watch this film. And about further posting I will try to do it soon

nothin.. within said...

Sach film acchi thi but after wathchin DevD i was expecting much better from anurag. he could have made it much better punches were suprb but it lakes in continuity n editing but Songs ! i just luv them all.

Cosmos said...

Dear Nothing: I also thought so, but then I think you can't just compare both films, the whole idea was different.
What Anurag did was he did not play with the level of the concept means it was a small place and in Rajasthan. Where as in Dev D the editor had options to play with so many things.