“Yaar six years is such a long period.” “Wo achchha aadmi hai yaar.” “Usane kitana kuchh kiya hai desh ke liye.” “Wo munna bhai hai.” “Galati chhoti si hi thi aur wo bhi 14 saal pahle hui thi.” Ye sabhi vakya baan, TADA adalat ke aakiri faisale ke bare me kee gayi meri tippani ke pratyutar ke roop me chalaye ja rahe the.
Ek pal ko agar socha jaye to shayad ye sabhi baaten kisi ko bhi Sanjay Dutt ke liye hamdardi paida karne ke liye kaafi hain, aur agar sach kahoon to TV par jail jaate hue ‘Munna’ ko dekhana mere liye bhi dardnaak hi saabit ho raha tha. Pichhale kuchh salon me is ‘Khalnayak’ ne jitane bhi kaam kiye hain unke baad usane beshak ek achchhe Hindustani hone ka saboot pesh kiya hai. Khaskar ‘Lage raho’ne jab poore desh me Gandhigiri failayi to ‘World Space’ ke is RJ (Radio Jockey) ne tamaam duniya me RJ ki nayi paribhasha de daali ‘Revolution Jockey.’
Lekin in sabhi ko dekhakar jazbaaton ke bahav me bahna aur yeh kah dena ki “jo bhi hua achchha nahi hua.” Yeh baat to mujhe Hajmola to kya julaab ki sabse umda kism ki khuraq se bhi hajam nahi ho sakti hai.
Aise kai karan hain jo mujhe aisa sochne par majboor karte hain jabki main bhi apane aap ko ‘Sanju Baba’ ke chahne walon ki jamaat me shamil karta hoon.
TADA adalat ne kul milakar 12 ko saza-e-mout aur 20 ko umar quaid sunai hai jisase Sanjay Dutt saaf tour par bach gaye.
Agar Sanjay ke purane career par aur life style par gour karen to unhone kabhi aisi koi film nahi banai jo desh ke bare me baat karti ho, Sunil Dutt ke shuru kiye gaye ‘Nargis Dutt Cancer Foundation’ me bhi koi madad ki eent unke hathon se nahi lagi, drugs ki lat chhudwane ke liye videshon me ilaj chala aur shaadi se pare muhabbat ka rishta talaq lekar saamne aaya. Aur sabse badi baat jo aaj bhi duniya ki surkhiyan bani hui hai – 3 Ak-56 rakhane aur saboot mitane ki koshish karna aur logon ko uske liye uksaana.
Jab ye sabhi ‘Galtiyan’ ho rahee theen tab Sanjay Dutt apani umar ke lagbhag 32 basant poore kar chuke the aur is umar me ki gayi galityan, galtiyan nahi Gunaah kahlati hain.
Ek Gunaah hi sazaa Gunaahgaar ko milna lazmi hai uar wo bhi tab jab gunaah itana sangeen ho.
Agar Sanjay Dutt ke paas Media naam ka Bramhastra na hota to ye hamdardi logon ke dilon me paida hone ki gunjaish katai paida na hoti. Aur agar yahi hathiyaar doosaron ke paas hota to shayad wo hi kuchh aisi hi hamdardiyon ke haqdaar hote.
In sabhi baton ko kekhne ke baad bhi agar kisi man me Sanjay Dutt ko mili saza zyada ya phir adalat ki zyadati lagati hai to wo insaan ek baar apni aankhen moond kar apne aap ko us ghar ka hissa banakar dekhe jiska koi ek shakhs un dhamakon ka shikaar ho jiske saath Sunjay Dutt naam juda hai. Phir man me kam ya zyaada ka khayal chhodkar ek hi faisla dikhai dega jo film ‘Vastav’ me Sanjay Dutt ki maa Reema Lagu ne kiya tha.
3 comments:
Dekh, isse bhi zyada simple funda yeh hai ke humko bas vahi milta jo humare naseeb me hota hai, aur humare naseeb me wohi hota hai jiske hum haqdaar hote hai...to 6 saal ho ya 10, baat to ek hi hai.
Sanjay Dutt ke alava ur bhi log hai jo kannon ki nazaro se bach gaye hai, many politicians and policemen are definitely involved in it, and the are al scot free...kannon unke liye andha ho gaya? kyun?
maybe he deserved it, maybe he dint. he made a mistake and he is paying for it...
@Reema.. 6 saal aur 10 saal me bahut bada fark hota hai, ek ek din bahut keemti hota hai.
@MT.. Here i am not talking about other people like politicians and police, I am just trying to say that this decision is fair and people should not say "Oh ye bahut galat hua" police aur politicians bhi shamil honge iska matlab ye nahi hai ki Dutt saheb begunaah hain aur unhe chhod diya jaye.
Post a Comment