Be in Cosmos

Kaka ki dukan

2009-10-04T11:26:00.001-07:00

Sunne walon ko yakeen to nahi hota hai lekin kuchh bhi ho sach to sach hi hai. Hamara desh hai itna bada, itne saare log hain, itane saare raajy, un raajyon men jile, tahasiil, aur n jaane kitane kolej hain. lekin itanaa sab kuchh alag alag hone ke baavajood bhii yek aisi cheej hai jo mere aur mere jaise logon ki jindagi men bahut hi milati julati hai aur vo hai kaakaa ki chay ki dukaan.
Ye ek aisi jagah hai jo Jammu aur Kashmir se Tamil Nadu tak alag alag naam se jaani jaati ho jaise Dilli ke JNU (Jawaharlal Nehru University) ke log Ganga Dhaba kahte ho, mere college ke log Kaka ki dukan to Maharashtra me chai chi tapri, lekin kaam aur din bhar me hone wale kriya kalapon me ko zyaada antar dekhne ko nahi milta.
Kaka aur unki dukaan ki bahut saari khoobiya hain, Kaka chalata to chai ki dukan hai lekin asal tour par dekha jaye to bahut bada financer hai. College ke har ladke ka inke yahaan par kahata chalta hai aur chai aur cigarrette me hi hazaaron rupyon ka udhar Kaka ne in sabhi khaate walon ko de rakha hai. Har maheene rakam badhti jaati hai aur jab bhi paani sar par aa jaata hai to aadha ya chouthai hisab karke log apni credit limit badhva lete hain.
College se class gol karne wale apne time pass ka saman Kaka ke locker me hi rakhte hain, locker me zyaada kuchh nahi hota, do bat, teen stumps aur ek Cosco ki tennis ball. In sabhi ke alava Kaka ke locker me kuchh baseball aur hockey palyers bhi apni kit rakhte hain lekin ye wo players hote hain jinhone baseball ya hockey aaj tak nahi khela lekin apni 'boxing' aur 'wrestiling' ke liye kisi Olympic gold medalist se bhi zyaada mashhoor hote hain.
Chay ki ye chhoti si dukan ko chhota samajhne ki galti kabhi na keejiyega, ye dukan 10 Janpath, ya 11 Ashoka Road se kam nahi hai, college election ka har chhote se bada decision is dukan me hi hota hai.
Sahi tour par dekha jaye to kaka ki ye dukan wo karti hai jo aaj tak is duniya me mandir, masjid, gurudvare aur church na kar sake. In sabne jahaan sabhi logon ko milane ki jagah alag alag kiya waheen ek chhoti si dukan me log apna dharm aur jaati se kaheen oopar aakar ek saath baithte hain.
Desh ko disha dene wale hamare safedposh neta jinhe desh ki yuva peedhi ko ekta ki raah dikhni thi wo chhatrsangathano ke naam par desh ki takat ko todne par tule hai, par Kaka ki dukan me ye takat kuchh had tak judti hui dikhai deti hai. Kaash aisi hi ek chay ki dukaan humari Lok Sabha me bhi ho, aur shayad alagavvad aur is alagavvad ki rajneeti se is desh ko mukti mil sake.

Dus saal: Kuch door, kuchh pass

2009-07-26T16:17:00.000-07:00

Mujhe kuchh dino pahle tak bhi nahi pata tha ki Kargil Vijay Diwas ko kab manaya jaata hai aur sach bataun to aaj bhi mujhe pakka yakeen nahi ho raha tha ki Kargil ki jeet hamne dus saal pahle hasil ki thi. Aisa lagta hai ki kuchh hi dino pahle ki hi to baat hai jab hum seena taan kar Tiger Hills aur Tololing par Tiranga lahrane ki baat karte the.
Aaj ke din bahut se logon bahut si baaten ki, aur shayad main bhi kuchh aisa hi likhne ke mood se baitha tha. Lekin jab beete hue saalon par ek nazar dali to aisa laga ki jaise bahut kuchh badal gaya hai lekin phir bhi kuchh baate purani ho chuki hain ye yakeen nahi hota.
Kargil ki ladai me Pakistani fouj ki naak me dum karne wali Bofors toup jo ki 1999 ki is ladai ke baad har media channel ne TV screen par dikhai, waheen Bofors deal me sabse zyaada kamai karne wale Quatrochi ko humari sarkar ne clean chit de di.
Ek bahut hi badi khushi ki baat hui aaj tak jo Congress party apne aapko Kargil se jude har mudde se door rakhti thi aur BJP ko Kargil ke naam par kosa karti thi, wahi party aaj Kargil Vijay Diwas par poori tarah se shareek dikhai di aur Manmohan Singh ji ne humare shaheedo ke balidan ke badle me is desh ko bulandiyon par le jaane ki baat ki.
Lekin in dus saalon me hum log un netaon ko bhi kuchh nahi bigad paye jinhone ghinonepan ki had karte hue humare veer jawanon ke tabooton tak ko khane ki harkat ki thi.
Lekin jab kuchh na badlne ka yaad aaya to TV par Kargil aur Drass sector ki wo chotiyaan dekh kar mujhe wo din yaad gaye jab 1999 me Kargil ki jeet ke theek baad humare school me Kargil file ko lekar sab ek saat ek mission me jut gaye the.
Mission ke commander ke tour par Ganpat Singh Kunwar (Singh Sir) chune gaye. Singh sir, NCC ke pahle trainer rah chuke the aur waise bhi deel dol se koi bhi unko fauj ya me police ka retired officer samjhane ki bhool kar sakta tha.
Har claas ko apni ek alag file taiyyar karni thi jo ki class wise competition me jaati, aur jo log individual competition me jaana chahte the wo apni file personally submit karne wale the.
Kul mila kar goal ye tha ki students zyaada se zyaada samajh sake poori ladai ke baare me aur un logon ke baare me jinki wajah se saara desh aaj chain ki neend se sota hai aur sukoon se apna kaam karta hai.
Shuruati tour par hamesha ki tarah mujhe pata nahi tha ki kya ho raha hai, lekin jab thoda dhyan lagaya to pata chala ki karna kya hai. Dimag thoda dheere chalta hai is liye individual competition me jaane ka to khayal aana bhi paap hai lekin phir bhi Class wise compitetion me to battle field open tha. Wo bhi isliye ki Class XI thi sabhi log naye the aur wo bhi session ka pehla maheena tha to hamesha ki tarah mujhe is baar phir se ladkiyon ko impress karne ka ek naya mouka mil gaya.
Do ya teen dino me naam likhne shuru ho gaye aur files aur rules bhi fix ho gaye the. Class wise competition ke liye file me 50 pages the aur individual me 30 pages jinhe pictures, drawing, painting, poem, articles aur paper cutings se complete karna tha.
Kaam shuru hone ke shuruati do ek din to aise hi chale gaye lekin dheere dheere main is file me kuchh zyaada hi gahra utarta gaya.
India Today, Outlook, Nayi Duniya, Dainik Bhaskar aur na jane koun koun se news papers aur magazines ka intazaam karne lage hum log. Naye naye naare jaise "Dhoodh maango to kheer denge, Kashmir maangoge to cheer denge" kai saare hum ne jama kare. Pata nahi wo josh kahaan se tha shayad is hi liye Singh Sir ko chuna gaya tha.
Class file par karte karte mera ek naya dost, Jaydeep, kuchh alag sa karta nazar aaya, jab maine poocha to pata chala ki uski individual file hai jo abhi tak aise hi rakhi hai aur usne kuchh bhi nahi kiya hai. Seedhe tour par mere paas ek aur file aa gayi thi jis par mujhe kaam karna tha.
Is hi beech kaam karte karte mere dimaag me kuchh photos ghar karte ja rahe the jo aaj bhi meri aankhon ke saamne utne hi saaf hain jitne ki un dino me the.
Jaise ki Major Vivek Gupta ki patni Capt Jayshree Bisht ka apne pati ko aakhir salute karna, Vikram Batra aur unke bhai ka apni maan ke saath ka picture aise bahut se scene the jo dimaag ki hard disk me feed hote ja rahe the.
Uske thode din baad Dada (my elder brother) ko ghar par file par kaam karte dekha, ek aur file par kaam karne ka mouka mil gaya.
Is tarah se maine kul milakar lagbhag 12 se 13 files par kaam kiya.
Final results ke time par humari class ko first aur Dada ki class ko second place mila, individual file me bhi us ek file ko first place mila jis par maine kaam kiya tha.
Maine apni file nahi banai lekin sahi mano to mujhe kaam karne me wo sukoon mila jo shayad khud ki file banane me na milta, un logon ko jaanne ka mouka main kho deta, shayad mere dimaag ki hard disk khali rah jaati.
Singh sir aaj un logon ke saath hain jo Kargil me humare desh ko bachane me shaheed hue the. Aur shayad wo bhi unhe ye hi dus saal purani kahaani suna rahe ho.
Thank you sir to give me an opportunity to get to know our true heros
Thank you to everyone who trusted me to work on their files
And thank you to all of you in the uniform to save us and for making us feel proud of our nation.

Chalti ka naam zindagi ya gaadi...

2009-04-17T16:43:00.000-07:00

Gaadi aur zindagi ka safar hai bahut hi khaas
Chalte dono hain, subah-o-shaam, din aur raat.

Darje bhi dono ke hain ek hi jaise
Zyaada daam me milta aaram to kam me milti hai khaak.

Padav bhi hote hain alag alag dono ke
Kuchh lagte hain ek se, kuchh me hoti hai ek alag si baat.

Musafir aate jaate kai hain dono me
Koi kuchh door tak to koi deta hai aakhiri tak saath.

Manzilen hoti hai har ek ki juda jaane ke baad
Kisi ki yaad aati hai tumhe to koi karta tumhe hai yaad.

The Indian Political League

2009-03-23T15:04:00.000-07:00

The Indian Premier Leauge (IPL) jo ki pichale saal bahut si baaton jasie paisa badi hastiyan jaise Shahruk, Preity, Malya, Ambani, cheer leaders, videshi diggaj khiladiyon aur phir baad me Rajasthan Royals jaisi chhoti team ke pradarshan ke kaaran se mashhoor hua tha, aaj poore media me kisi aur hi baat ko lekar surkhiyon me hai.

Pahle to tareekh par tareekh, tareekh par tareekh (sounds like Sunny Deol) badalti gayi, aur is hi se tang aakar Rajasthan Cricket Academy ke chunav haar kar pahle se pareshan Lalit Modi ne apni bachi khuchi ijjat ko bachane ke liye saara ilzam sarkar ke sar par daalte hue sabhi tarah ke sitaron se lade is khel ko saat samandar paar le jaane ki baat keh dali.

Aur phir shuru hua asli khel: Lok Sabha chunav jiski garmi abhi tandoor jitni to nahi hui hai leking phir bhi tave par rotiyan sek paane ke kafi hai, usme sabse pahle apna dao maara BJP ke general secretary Arun Jaitley tam tamate hue kahne lage ki IPL ke bahar chale jaane se desh ka paryatan vyavsay prabhavit hoga. Unka kehna ye bhi tha ki jo desh sitara khiladiyon ki raksha nahi kar sakta wo aam paryatakon ki suraksha kaise karega, is hi binah par doosre deshon se log Bharat aana band kar denge. Aur unhone Wimbledon jaise kuchh international tournaments ki baat bhi kahi to aisa laga jaise Jaitley ji ko khel se kitna lagav hai, magar itna lagav hone ke baavjood bhi sirf ek saal baad Dilli me hone wale Commonwealth Games ke baare me baat karte kabhi dikhai nahi diye.

Lekin ek to Delhi Cricket Association ke president aur BJP ke GS hone ke naate Cricket ke paksh aur Sarkar ke vipaksh me to man mar kar bhi Jaitley sahab ko bolna padega. Par shayad ek baar Jaitley ji ne bolne se pahle ye to socha hota ki jo kuchh Lahore me Sri Lanka team ke saath hua khuda na khasta, Bharat me kisi doosre desh ke khiladi ke saath ho jaata to humare desh me cricket ke haalat Pakistan se bhi badtar ho jaate.

Phir saamne aaye Narendra ji Modi aur bol pade ki IPL ka desh ke baahar jaana 'National Shame' hai, lekin pahle ye na dekha unhone ki chunav ke doran Gujrat ko kitni para millitary ki battalion chahiye hogi. LoC par jo firing ho rahi hai desh ki sena sarhad samhalegi, chunav ke beech aantarik stithiyon se niptegi ya phir khiladiyon ki suraksha karegi?

Aur baat rahi IPL ke boss Modi ki to paise ke alaava is Modi ko kuchh aur dikhai nahi deta hai. Jab IPL-II schedule ka blueprint taiyaar kiya ja raha tha tab Boss ke dimaag me kuchh match England me rakhne ka khayaal aaya tha kyonki ek badi team Royal Challengers ke Mallya ka ek bada establishment England me moujood hai aur is team ke supporters bhi. Jab wo plan safal na hua to mouka milte hi Boss ne poora tournament shift karne ki baat kar daali.

Ek waqt aisa tha jab Boss kah rahe the ki unhe Bharat ki janta se bahut pyaar hai aur unhi ke liye ye tournament ho raha hai lekin bahar jaane ki baat karne se pahle Boss ke dimaag me ek baar bhi us pyari janta ka khayal na aaya.

Khair Indian Premeir League-2 aur India Political League-15 ka jo hoga so hoga. Haan lekin Boss ko 16 May tak to neend nahi aayegi aur us din agar UPA ka oonth phir se sahi karwat baith gaya to phir to Boss ki neend agle paanch saalon tak haram ho jayegi.

Gulal brings colours for hindi loving log

2009-03-15T01:06:00.000-07:00

"Law padhne aaye ho, ja kar itihaas padho. Aur dekho aaj tak saala justice nahi hua hamare saath hua hai to sirf dhokha." Anurag Kashyap ki film Gulal ke lafz kam se kam ek baar sochne par majboor karte hain ki kya waqai jo Dukki Bana (KK Menon) kah rahe hai, sach hai.

Dekha jaye to poori film ka har ek dialouge desh ke kisi na kisi mudde ko sabhi ke samne lekar aane ki koshish karta hai, phir wo chahe Dukki Bana jaise rasookhdaar insaan ke muh se nikle ya phir us hi ke bade bhai (Piyush Mishra) ki kavitaon se darshakon tak pahunche.
Anurag Kashyap ne waqi is film ke liye bhale hi 8 saalon tak kaam kiya ho lekin, aakhirkar itne saalon ki mehnat ka rang film me saaf nazar aata hai.
Har ek actor aur uska character bahut hi soch samajh kar likha gaya hai aur utni hi behatreen tareeke se screen par laya gaya hai.
Haalaki film doosre half me kuchh lambi khinchti se dikhai deti hai lekin uske bawjood bhi ek film ke roop me Gulal uske dekhne walon ke dilon tab tak apni pakki jagah bana kar rakhegi jab tak ki Gulal jaisi hi koi film na aaye.
Film ka har ek charactor soch samajh kar likha gaya hai aur har ek baat se poori film ka tana bana buna gaya hai ki ek bhi dialouge miss karna dekhne wale ki apne aap se nainsafi hogi.
Aur agar koi ek cheez aisi poochhi jaaye jiske liye film ko alag se dekha ja sakta hai to wo hai Piyush Mishra, jo har ek kavita aur jo chhand Mishra ji ne is film ke liye likhe hain wo shayad aaj tak ka unka sabse achchha kaam hai.

Kul mila kar koi agar mere hisab se is film ko dekhne jaye to is film ko 4 stars se kam dena ek dum nainsafi hogi.

Kuchh aur...

2008-10-15T14:25:00.000-07:00

Apne kapdon me hi jism kisi aur ka lagta hai
Yahaan par har shakhs kuchh aur sa lagta hai

Kisi ke muhalle jagmag hain chiragon se
Kuchh logon ke ghar me bas alav sulagta hai

Wo sooni si sadken, biyabaan se jangal
Har dil me leking koi khyal tahalta hai

Pahchaan har ek ki alag alag hoti hai
Dhoondhe se lekin ek nishaan sa milta hai

Toote tamanna ya umeedon ka katl ho
Har ek tukde me phir bhi ek khwab to palta hai

Fasla

2008-09-04T11:37:00.000-07:00

Jab saath tu hai to kya phir kami hai
Magar ye duniya kahan ab sagi hai

Tere har safar me kahan tak chale the
Ab chand kadmon me jaan thak chuki hai

Jo baaten lagi thi humko milane
Baaten wahi to zahar ban chuki hain

Peechhe palat ke jab dekha kiya main
Meri har nishani ki boli lagi hai

Na kufr hai ye tera, na meri thi galti
Har ek rishte ki nabz kabhi to ruki hai

Khel aur desh ka Khel

2008-02-04T11:59:00.000-08:00

Desh ki sabse pratibhawan mahila tennis khiladi ka ye kahna ki wo apne desh me nahi khel sakti, to kisi desh aur us desh ke logon ke liye is baat se badi sharmnaak baat koi aur nahi ho sakti.

Jahan humara desh 100 karod se bhi zyaada ki aabadi hone ke baad bhi behatareen khiladiyo ke liye aise joojhta hai jaise ki Thar ke registan me koi hariyaali ko dekhne ke liye. Wahin Wimboldon jr. me desh ke liye pahla aur iklota khitab lane wali Sania Mirza ke peechhe jab uske hi desh ke logon ne fikre aur fatwe zaari karne shuru kar diye hon to apne desh me na khelne ka uska faisla 100 feesadi lazami hi hai.

Ye mudda bhi un saare muddon me shamil ho jata hai jo Cricket aur doosare khelon ke beech me sage-sotele salook ko phir se humari nazaron ke theek samane lakar khada kar dete hain.

Sydney me humare desh ki Cricket team ke ek khiladi ki galati hone ke bawazood bhi poora desh uske saath khada hua paya gaya. Agar Australia me hue Harbhajan mamle par gour farmaya jaye to jo lafz Bhajji ne istemaal kiye the unka agar theek tarah se matlab sunwai ke judge John
Hansen samajh pate to shayad saza me koi kotahi nahi barti jaati.
Wahin par BCCCI ke ala adhikari bhi bhale hi News Camera ke saamne nahi par Camera ke peechhe to ye kabool karte hain ki galti humare ladke ki bhi thi.

Saniya ke Bangalore Open me na khelne ke faisle do hi din pahle jab desh ke honhar Boxer Akhil Kumar ne Olympic ke liye qualify kiya aur doosre hi din Olympic ke chandi ke tamge par haq rakhne wale Worapoj Petchkoom ko apne mukkon se chit kiya to usne ye na socha hoga ki uske mukke Hindustani media ke foulad ke saamne kajor pad jayenge. Desh ko koi bhi bada akhbaar Akhil Ko Cricket ke saamne itna bhi nahi maan paya ki uski ek chhoti si tasweer hi chhapi ja sake.

Kul milakar baat aaj bhi wahin par aa kar ruk jaati hai ki kya Cricket ko shahzada bana kar kya hum doosre khelon ko fakeeri me nahi rakh rahe. Kyonki baat sirf paisa ya suvidhaen muhaiya karwane par hi khatam nahi ho jati hai. Khel ko humesha insaan khela karte hain aur insaan ko agar apnon ka saath mile to Everest ko paar karne ka kaam bhi palken zapkane se zyada bada nahi lagta.

Chahe wo Sania ho ya Akhil Kumar ya phir Desh walon ke pyar ko tarasti Hockey team, agar hum inhe shahzade nahi bana sakte to koi baat nahi lekin wo saath to de hi sakte hain jiski ek desh wasi apne hum watan se umeed karta hai.

Zulmon ki had

2008-01-26T03:52:00.000-08:00

Zulmon ki had tod firangi
Desh prem na hoga kam

Aag agar na ho seene me
Pal bhar me sulga te hum

Mushkil ki ghan ghor gadi me
Sahas ka parcham lahrate hum

Dost ki Zappi, dusman ka khanzar
Seene par hi khate hum

Dukhon se jhakjhor de koi
Fir bhi har pal muskate hum

Zulmon ki had tod firangi
Desh prem na hoga kam

Kisi Roz..

2007-11-17T05:03:00.000-08:00

Dard kya hota hai batayenge kisi roz.
Koi kamaal ghazal tumko sunayenge kisi roz..

Thi unki zidd ki main jaoon unhe manane.
Mujhko veham tha wo bulayenge kisi roz..

Rab kis kasam maine socha bhi nahi tha.
Wo itana mere dil ko dukhayenge kisi roz..

Har roz aaine se ye poochha maine.
Kya rukh pe tabbassum bhi sajayenge kisi roz..

Udne do in parindon ko azaad fiza main.
Tumhare honge to lout hi aayenge kisi roz..

Apne sitam ka dekh lena khud hi assar tum.
Zakhm-e-jigar tamaam dikhayenge kisi roz..
Koi kamaal ghazal tumko sunayenge kisi roz..

Naate..

2007-11-03T06:16:00.000-07:00

Kisi ke jazbaaton ki parwaah hai kise, is patththar dil zamaane me.
Sabka apna apna raag hai, rona hai, lage hain sub usko hi gaane me.

Rishton ko banane me waqt aur takleef bhi bahut lagti hai.
Nahi hai kuchh bhi lagta to, kisi bani hui duniya ko mitaane me.

Tere dil ki baat ko apne seene se lagaya har baar har tarah.
Muddat bhi kaafi na hui tere liye mere kuchh alfaazon ko apnaane me.

Naaton ko kai baar tola gaya hai taraazoo me har tarah ke.
Keemat hi bhool gaya har koi, mashgul ho gaya jo sikkon ko sajaane me.

Har dar par yadon aur tamnaaon ke khoonte se thuke hote hain.
Kabhi kabhi ye zaalim hi kaam aate hain akele man ko bahlaane me.

Badlaav

2007-10-21T05:29:00.000-07:00

Duniya ke adhikatar logon ko maine kahte hue suna hai ya phir yoon kahoon ki chhapi hui kitaabon me padha hai ki "Badlaav har kisi ko raas nahi aata", aur kuchh aisa hi mera khayaal bhi raha tha aaj tak. Lekin waqt ek aisi takqat hai jo jaan se pyaari cheez ko dushman aur dushman ko bhi jigar ka tukada bana dene ki koowat rakhti hai.
Lagbhag teen saal pahle chhoda hua meri zindagi ka koi waqt mujhe phir se milne par itana sukoon de jayega maine kabhi sapne me bhi nahi socha tha. Tamam faisle karne ke baad jab maine un lamhon ko pair me chubhe kisi kaante ki tarah nikal kar phenk diya tha to mujhe nahi pata tha ki jab wo kanta mujhe milega to kisi gulaab ki tarah mere dil-o-dimaag ko mehka jayega.
In lamhon ki shuruaat maine ek Company "Success marketers" ke saath ki aur kaafi mehnaton ke baat maine apne pairon jamana shuru kar diya tha lekin ek waqt mujhe laga ki yeh sab mere bus ka nahi hai aur main yahan par wo nahi kar sakta jo main chahta hoon.
Khair baat ye nahi hai ki main kya chahta hoon aur kya nahi, lekin ye hai ki maine jiske layak apne aap ko kabhi nahi samjha wo hi kaam aaj bhi mere andar basa hai ye maine ab jaana.
Media Industry me jaane ke khayaal ke baad hi maine Marketing ke baare me bhool kar bhi nahi socha lekin jab kal main apne waqt ko kisi kaam me laane ke mood se Bangalore me base ek bade se aashram ke sabse Keemti sazo saaman ki dukaan ke Gahnon ko bechne ke liye baitha to maine us waqt bhi apne bhoot(kaal) ki aur koi tawajjo nahi di. Grahak aate gaye aur main sirf apna kaam karta gaya na dimaag me saamne wala grahak tha aur na main dukaandaar. Bas wo log jo mangte wo main de deta aur jo poochhte uska jawab de deta, iske sivaye aur kuchh bhi dimaag me nahi aaya poore din.
Aap ko lag raha hoga ki Gahanon ki dukaan par jab Khoobsoorat ladkiya aati rahengi to bhoot ko yaad karne ke liye mere paas waqt hi kahan hoga :-). Lekin main aapko bata doon ki wahan par bahut tarah ke log aate hain, har umar ke, har jaati ke, desh ke har kone se aur duniya ke kuchh koochon se, ladke, ladkiyaan, aadami aur aurat sabke darshan aapko is ek hi jagah par khade hone par mil jaayenge. Aur agar aap ek baar inke sawaalon me pad gaye to shayad Rashtrapati pad ke liye bhi agar koi Interview hoga to wo bhi saral hi lagega.
Sawaalon ke andaaz bhi alag tarah ke hi hote hain --
?: -Aap kahan rahte hain?
!: -Bangalore me.
?: -Bangalore me rahte hain to bhi aapko hindi aati hai ( Jaise Bangalore ki border me ko magnetic field hai jo under aate hi hindi ka gyan kheench leti hai.)

?: -Kya aapke paas Lakh ke earrings hain? (a woman from gujrat)
!: -Hain kuchh lekin unke pair nahi mil rahe hain aur sirf ek aap pahnengi nahi
?: -Lekin keemat to bataiye iski
!: -Ek ka aap kya karengi wo to ladkon ke pahnne ke liye hote hain.
?: -Ladke to aapke counter par aayenge nahi
!: -Galat fahmi hai aapki wo hi zyaada aate hain, aap jaise logon ke liye lene
?: -Hmm it makes sence (Lagata hai inhe kisi ne aaj tak koi gift nahi diya)

Ek Bengaali aunty ne to had hi kar di thi, bahut der tak har tarah ki cheeze dekhne ke baad ek haar unhe pasand aaya wo bhi tab jab unhone wo mere gale me pahna kar dekha. :)
South Africa se aaye ek bhai sahab aakar sab kuchh ke baare me poochh gaye jaise yahaan ke gahno par research karne ka world wide project mila ho. Uske baad bhi khareed kar wo le gaye jis par meri nazar thi (Koi baat nahi ab to aadat si ho gayi hai)
Lekin jab raat me baaton baaton me logon ko ye pata chala ki main ek Khabarnigaar hoon to logon ke muh khule aur aankhen phati si rah gayee.

?: - Aap journalist hain? Phir yahan kya kar rahe hain?
?: -How do you know about jwells and all?

Saare ke saare sawaal hi karne me lage the aur har baar ki tarah is baar bhi main sirf jawaab hi de raha tha. Mera bheja bhi tab bilkul hat gaya jab maine Bill par nazar daali.
Jab maine total kiya to main samjha ki main 'quanta' bilkul hi bhool chuka hoon, kareeb teen baar total karne ke baad bhi jab amount wahi aaya to mujhe laga ki aaj bhi wo puraani taaleem mere andar kaheen dabi padi hai jo aaj phir baahar nikal kar aa gayi.
Sirf char ghanton me business 24,000 ka jo ki bina kisi mehnat ke kiya gaya tha aur wo bhi sirf baaton baaton me, aur andarooni khushi ke saath.
Mere dimaag me abhi bhi baat samajh yeh nahi aa rahi hai ki ye sab nateeja kiska hai, Marketing skills, Experience ya phir CHANGE of job.

Lambi Kahaani..

2007-09-03T08:05:00.001-07:00

Ek chhota sa lamha ek lambi kahani
Wo sooni si rahen, biyaban wo aangan.
Har ek zarre me hai, rakhi kuchh nishani
Ek chhota sa lamha ek lambi kahani..

Jahaan par bichhi thi khushiyan hazaron
Nikhare salone the khwabon khayalon.
Waheen par to thi khwahishen sab gumani
Ek chhota sa lamha ek lambi kahani..

Khate hue nanhe haathon ko apne
Muh se tapkta tha 'Guddu' ke paani
Mahangi hui itani chatani ki keemat.
Padi ab to wo, apni jaan se chukani
Ek chhota sa lamha ek lambi kahani..

Jaan ki bhookh aur lahoo ki pyaas rakhna
Bandookon, Dhamaakon ke sabak paath ratana.
Aadatein nahi ye sabhi katai insaani
Ek chhota sa lamha ek lambi kahai..

Kayada

2007-08-16T00:04:00.000-07:00

Aazadi ke 60 saalon ke poore hone ka khas mouka, har saal to subah un gaanon ko sunkar neend khula karti thi, jab chhota tha to bade savere hi is tyohar ke jashn ke liye saleeke se taiyyar hokar school ke liye nikal jaata tha raaste me aane wali har doosri manzil par tiranga laga hua dikhai deta tha aur kaano me to sirf aur sirf desh bhakti geet hi sunai padte the.

School se loutate waqt laddoo milte the aur ghar pahunch kar daadi ka banaya hua halwa aur chacha ki layi hui jalebiyan.

Lekin aaj sa kuchh badla hua sa shuru hua, na subah subah desh bhakti gaane, na koi bhashan, na parade, na koi mithai na hi koi badhai. Yeh theek subah ka haal tha lekin jaise jaise din beetane laga halat badalte chale gaye.

Shaam hote hote kal ki beshumar dimaagi aur jismaani mehnat rang layi aur desi khel ke rang me rangi 'Chak De India' dekhi to aisa laga ki aaj tak main bhi kitni badi galti karta aaya hoon. College me har baar apna intro dete waqt pradesh ka naam bataya. Kya zaroorat hua karti thi uski kya sirf naam bata dena hi kaafi nahi tha kisi professor se padh lene ke liye. Aur is hi baat ka ehsaas mujhe is film ne karwaya ki agar hum sirf apne pradesh ke liye kaam karenge to desh ka kya hoga.

Is film ke dialouges ne har lafz ka behatareen istamaal kiya hai lekin fir bhi main jo chahta tha aaj ke din wo nahi mila is film se. Shayad jo mujhe chahiye tha wo to kaheen aur hi mera intazaar kar raha tha ghar ke raaste me mera hi ek bhai jo ki masoomiyat ya kaam ki maar se raat ko Tiranga utarana bhool gaya tha maine apna farz nibhate hue use us kayde ke baare me bataya jo maine kareeb char saalon ki kadi mehnat ke baad seekhe hain. Aur shayad use seekhne ka mouka na mila aur khushi is baat ki hai ki 'Mehboob Bhai' ko bhi is par koi etaraaz nahi tha.

Ghar ja kar dekha to bharat pakistan ke moujooda haalat ko lekar bahas chhidi hui thi, loktantra-tanashahi, ye dono kisi desh ke vikaas par kis had tak asar daalte hain poll ke aankade saaf dikha rahe the. Poori bahas ke douraan ek hi baat baar baar saamne aa rahi thi ki loktantra hi kisi bhi desh ke liye sabse sahi raasta hai aage badhne ka lekin loktantra me kaanoon sabke liye ek samaan hone chahiye, kaayde aur kanoon is tarah ke tantra ke liye reed ki haddi hain. Phir wo chahe kayada Tirange ko andhera hone ke pahle utaar lene ka hi kyon na ho.

Aur aise mouke par ek hindustani hone ke naate apne hi bhai ko anjaane me us Tirange ka apmaan hone se bachane ke sivay main aur ko desh bhakti ka kaam nahi kar sakta tha.

Rone Nahi Diya....

2007-08-08T23:24:00.000-07:00

Patthr bana diya mujhe rone nahi diya.
Daaman bhi tere gham ne bhigone nahi diya.

Tanhaiyaan tumhara pata pochhati rahien.
Shab bhar tumhari yaad ne sone nahi diya.

Aankhon mein aa ke baith gaye ashkon ki tarah.
Palkon pe khoye khwaab ko pirone nahi diya.

Dil ko tumhare naam ke Aanso azeez the.
Duniya ka koi dard nazron me samaney nahi diya.

Yun us ki yaad chali haath thaam ke mele mein.
Is jahan ko mujhse khone nahi diya.

Pather bana diya mujhe roonay nahi diya.
Daaman bhi tere gham ne bhigone nahi diya.

Filmy Chakkar..

2007-08-01T04:23:00.000-07:00

“Yaar six years is such a long period.” “Wo achchha aadmi hai yaar.” “Usane kitana kuchh kiya hai desh ke liye.” “Wo munna bhai hai.” “Galati chhoti si hi thi aur wo bhi 14 saal pahle hui thi.” Ye sabhi vakya baan, TADA adalat ke aakiri faisale ke bare me kee gayi meri tippani ke pratyutar ke roop me chalaye ja rahe the.

Ek pal ko agar socha jaye to shayad ye sabhi baaten kisi ko bhi Sanjay Dutt ke liye hamdardi paida karne ke liye kaafi hain, aur agar sach kahoon to TV par jail jaate hue ‘Munna’ ko dekhana mere liye bhi dardnaak hi saabit ho raha tha. Pichhale kuchh salon me is ‘Khalnayak’ ne jitane bhi kaam kiye hain unke baad usane beshak ek achchhe Hindustani hone ka saboot pesh kiya hai. Khaskar ‘Lage raho’ne jab poore desh me Gandhigiri failayi to ‘World Space’ ke is RJ (Radio Jockey) ne tamaam duniya me RJ ki nayi paribhasha de daali ‘Revolution Jockey.’

Lekin in sabhi ko dekhakar jazbaaton ke bahav me bahna aur yeh kah dena ki “jo bhi hua achchha nahi hua.” Yeh baat to mujhe Hajmola to kya julaab ki sabse umda kism ki khuraq se bhi hajam nahi ho sakti hai.

Aise kai karan hain jo mujhe aisa sochne par majboor karte hain jabki main bhi apane aap ko ‘Sanju Baba’ ke chahne walon ki jamaat me shamil karta hoon.

TADA adalat ne kul milakar 12 ko saza-e-mout aur 20 ko umar quaid sunai hai jisase Sanjay Dutt saaf tour par bach gaye.

Agar Sanjay ke purane career par aur life style par gour karen to unhone kabhi aisi koi film nahi banai jo desh ke bare me baat karti ho, Sunil Dutt ke shuru kiye gaye ‘Nargis Dutt Cancer Foundation’ me bhi koi madad ki eent unke hathon se nahi lagi, drugs ki lat chhudwane ke liye videshon me ilaj chala aur shaadi se pare muhabbat ka rishta talaq lekar saamne aaya. Aur sabse badi baat jo aaj bhi duniya ki surkhiyan bani hui hai – 3 Ak-56 rakhane aur saboot mitane ki koshish karna aur logon ko uske liye uksaana.

Jab ye sabhi ‘Galtiyan’ ho rahee theen tab Sanjay Dutt apani umar ke lagbhag 32 basant poore kar chuke the aur is umar me ki gayi galityan, galtiyan nahi Gunaah kahlati hain.

Ek Gunaah hi sazaa Gunaahgaar ko milna lazmi hai uar wo bhi tab jab gunaah itana sangeen ho.

Agar Sanjay Dutt ke paas Media naam ka Bramhastra na hota to ye hamdardi logon ke dilon me paida hone ki gunjaish katai paida na hoti. Aur agar yahi hathiyaar doosaron ke paas hota to shayad wo hi kuchh aisi hi hamdardiyon ke haqdaar hote.

In sabhi baton ko kekhne ke baad bhi agar kisi man me Sanjay Dutt ko mili saza zyada ya phir adalat ki zyadati lagati hai to wo insaan ek baar apni aankhen moond kar apne aap ko us ghar ka hissa banakar dekhe jiska koi ek shakhs un dhamakon ka shikaar ho jiske saath Sunjay Dutt naam juda hai. Phir man me kam ya zyaada ka khayal chhodkar ek hi faisla dikhai dega jo film ‘Vastav’ me Sanjay Dutt ki maa Reema Lagu ne kiya tha.

Aur kya Baap..

2007-06-17T23:12:00.000-07:00

Aap ke saath me maine pata nahi kitne din bitaye honge, Bachpan me shayad aap hi ke haathon par sar rakh kar mujhe neend ke jhonke aate the. Ghar ke peechhe ke bagiche me aap hi ke saath mitti me main kaam kiya karta tha.

Lekin waqt ne mujhe bada karna shuru kar diya aur aap ke aur mere beech ki dooriyon ko bhi. Jahan main school se aate waqt aapke office me aakar aapke saath jaane ke liye ghanton aapke lunch time ka intazaar kiya karta tha waheen kuchh lamhe aise bhi aaye jab hum dono ne ek hi chhat ke neeche rahte hue bhi kai dino tak bhi ek doosare ki shakl bhi nahi dekhi. Mujhe pata hai ki ye sabhi aapke aur mere pass rahi waqt ki kamee aur badhti jimmedariyon ke karan hua tha lekin baat mere dil ko dukhane ke liye kafi thi aur shayad aapke bhi.

Aapka mujh par bharosa duniya me kisike bhi bade se bade bharose ko bhi maat dene ki kabiliyat rakhta hai. Mujhe pata hai ki ye kabhi aapne yeh mere saamne nahi kaha lekin yaad rakhiyega ki mere bhi mukhbir aapke aas paas hi rahte hain.

Jab hum dono raat bhar baith kar bank audit karte the aur aap subah jaldi uth kar kaam shuru kar dete the to main doosre din aapse pahle uthane ki taiyyari kar ke rakhta tha lekin aisa ho nahi sakta hai J aur phir Maa chillati thi, “In dono baap bete ko computer aur accounts dedo duniya ko bhool jaye, are khana to khalo thanda ho raha hai” aur hum dono hanste the :).

Pahle jab hum aam aur sabzi lene jaate the to aap drive karte the aur main baithta tha lekin ab aap baithte hain aur main drive karta hoon. Lekin kya hume badalne ke liye ye hi saari baate kafi hain?

Kal jab aapko maine dekha aur aapne mujhe dekhne ke baad phir se wo Bhartnatyam dekhna shuru kiya to mujhe aisa laga ki meri sabse anmol cheez mujhse us dancer ne chheen li ho lekin aisa kabhi ho nahi sakta. Kyonki main aapka dayan haath hoon aur hum dono ko koi alag nahi kar sakta.

Humare wo empire aur institute wale plan bhooliyega nahi main wapas aane ke baad aapka 50% ka partner banne wala hoon.

Mujhe pata hai ki aap kabhi ye padhenge nahi kyon ki aapko to mail kholne ke liye bhi meri zaroorat padti hai aur main aapse ye sab kabhi kah nahi sakoonga lekin ye hum dono jaante hain ki kal ka din hum dono ke liye kya tha.

Pata nahi wo jagah ka jaadoo tha ya phir din ka lekin kuchh bhi ho aapka jaadoo mere din ko yaadgar banane ke liye kafi tha. Aur aap aise pahle hain is duniya me jisne kal ke din bete ko gift diya ho.

Happy Fathers Day Mamaji.

Game...

2007-06-11T04:37:00.000-07:00

Before sometime I was in very poor condition. No.. my exams are just started, actually there was some social site Tag from which I was getting invites in loads daily and I was tired of deleting those spams. Any way lets come to the point. There is a very weird game going on and its name is TAG but I think playing this game will be more interesting than deleting spams. :) :) just kidding. To aaiye aap aur hum khelte hain “KISKI TAG KATI”. Rules are:

* Each player starts with eight random facts/habits about themselves.

* People who are tagged need to write posts in their own blog about their eight things and post these rules.

* At the end of your post, you need to choose eight people to get tagged and list their names.

Now About my eight ends

I am self obsessed and especially with my Complete name.

My Temper is like a Tinper :) it behaves like Tin. You can feel the heat flowing out of the thermometer or the cold in which an Eskimo will cough.

Sometime I think that I am not from this planet and not for this planet.

I don’t want to live more than fifty years of my life. But want to live every moment of this time.

I didn’t get any training in electrical, electronics or Computers but when I just open any non working equipment and close it starts working. :) :)

Sometimes I want to work without having food and nap. I enjoy it and I do it intentionally.

I heck passwords but don’t read mails or anything from the file. I just do it for fun and now somebody can smile.

I want break from people and things around me and suddenly I start disliking them. It happens very often.

Now the turn is yours. It means turn back to your work because I am not gonna TAG anyone because the people I could TAG are already tagged.

Imtahaan...

2007-06-11T04:13:00.000-07:00

Imtahaan zindagi ka dene me kya harz hai.
Uske gussaile waron ko sahna bhi to ek farz hai.

Aadami ke zakhmon ka marham kahan dhondhoge.
Yahaan to tan ke rom rom me marz hai.

Aana na aana hai faisla ek tarfa unka.
Jahan bhi jaun har aangan me dard hai.

Saare jahan ke nazaare hai bhikhre hue.
Gulista-E-Bahaar bhi ab dikhta zard hai.

Kahaani meri ho ya ho kisi dushman ki.
Jazbaaton ke bina to garm khoon bhi sard hai.

Faisla..

2007-05-24T07:35:00.000-07:00

Khuda ke darwaze par dili sukoon aur chain ki talaash me aate hue har ek banda apne peeche ghar par shayad apne masoom bachche, boodhe waalid aur intazaar karti biwi ko chhod kar aata hai. Lekin ghar par baitha har shakhs ab kis tarah ooper wale par bharosa rakhe jab yeh saabit hone laga hai ki “khuda ke ghar jaane wale kabhie lout kar nahi aate.”

Khuda, Bhagwaan, God aur bhi kai tareekon se pukare jaane wale is ‘bharose’ par se logon ka bharosa uthane wale aaj wahi log hain jo har kaam ko karne ke pahle iska naam lete hain. Baat ho chahe Bathinda ho ya Hydarabad har jagah Ishawar ke naam par hi fasaad hai. Kyonki dahshatgardon ko khuda aur bhagwaan se koi matlab nahi hai. Unka man jis cheez ko dekhkar khincha chala aata hai wo hai insaani khoon aur bus us hi ko bahane par aamada log apni aankhon ko moond kar shaitaniyat ko anjaam dete hain.

Guru Govind Singh ke apmaan ke khilaaf nangi talwaren lekar sadkon ko khoufnaak banana aur dukanon ko khandharon me tabdeel karne walon ko shayad ye bhi guman nahi ki Govind sahib ki mahanta itni badi hai ki unke kapdon jaise kapdon ko pahan lene se unke naam aur taleem par katara bhar bhi fark nahi padega.

Lekin unke naam par khoon kharabe se Guru ki taleem jo ‘Kripaan’ ko aakhiri raasta batati hai, uski zaroor be-ijaati ho rahi hai. Aur yahee saari baaten chhup chhup kar mandiron aur masjidon me dhamake karne wale un logon ke liye hain jo apne aap ko JIHADI kaha karte hain. Unhe bhi ek baar jaakar phir se Kuran ke pannon ko palat kar dekhana chahiye ki Islaam Jihad aur aman ke bare me kya kahta hai.
Har mazhab apni kitaabon me sirf aman hi ke paigaam lekar zinda hai. Agar aman ko in kitaabon se nikaal diya jaaye to shayad unme kuchh nahi rah jayega. Ab faisla un logon ko karna hai ki mazhab ko waqai wo zinda rakhna chahte hain ya apni nangi talwaron se aur dhamako me bahte lahoo me bastiyon ki naaliyon me baha dena chahte hain.

Haqeekat

2007-05-22T05:18:00.000-07:00

Duniya, duniyadari, rishtey, jazbat, achchhai, burai in sabhi ke baare me bahut kuchh sunne aur janne ke baad bhi aaj tak ek sawal dil ke kone me aur zahan me har jagah achanak se ghoom jata hai. Bahut se logon se alag alag tareekon se poochhne ke baad bhi jawab har baar lagbhag ek sa hi raha. Shayad duniya ke dekhane ka tareeka alag aur samajhne ka tareeka alag hota hai kyonki kisi rishte ka hona bhi alag hota hai aur use samajh lena bilkul hi alag.

Agar duniya me kisi se bhi poochha jaye ki kisi "Maa" ka beta hone ke liya kya chahiye to ek zaahir sa jawab milega ki uske liye aapko uske jism ka hissa hona chahiye yani ki us aurat ki hi paidaish. Waqai apne jism me ek aur jism ko palna kisi "shakti" ke hi bas ki baat hai. Lekin apni kokh me palna hi kya Maa jaise bade samman ko pa lene ke liye kafi hai? Kyonki duniya me aana aur duniya me rahna do alag alag batein hain. Aur mere hisaab se duniya me rahna jo sikhlaye wahi Maa hai aur duniya ke jazbaat bhi kuchh aisa hi kahte hain.

Dharm ki baat ho ya media ki, har jagah Maa ne apni mahanta ko bina kisi takalluf ke barkarar rakha hai. Krishna aur yashoda, Paigambar hussain aur unki ammi ki baatein dharm me aaj bhi jee rahi hain. Wahin kisi bachche ko janam na dene ke baad bhi use apna hi maan kar duniyadaari sikhane waali Maaon ne Media me bhi darshakon ke dilon par raaz kiya hai. Bachchon ki pahli pasand "Jungle Book" me mogali ki maa chameli, Big 'B' ki hit film Ajooba me Dolphin ya phir haal hi me TV par dikhaye ja rahe Big Babool ke ishtahaar me chidia aur kachhue ki kahani, sabhi ke sabhi dekhne walon ke dil ko barbas hi gher lete hain.

Saari baaton ko ek saath dekha jaye to bhi mujhe samajh nahi aata hi kya samjhoon aur kya nahi. Shayad duniya me kisi bhi Maa ke liye teeno lokon me kisi ke pass bhi koi paribhasha na hogi.

Ek aise bachche ko duniya ka lag-bhag sab kuchh dena jise aapne janam na diya ho. Apne bachchon ke saath use bhi palna, uski pareshani ke pahle hi hal ke liye jut jaana, uske pet ko bharne ke liye khud ke nivale dena aur use bistar par sula kar khud zameen par sona, aise kaam kisi devta ke bhi bas me na rahe honge. Saari duniya me ghoomun ya poori zindagi khatm kar doon lekin ye paheli hamesha paheli hi bani rahegi.

Har din ek naya roop, har baar naye jazbaat lekin pyaar ki barsaat me hamesha izaafa hi hota chala jaata hai aur mere jaise bewkoof paribhashayen hi dhoondhte rahte hain. Jabki sach to yeh hai ki duniya ka sabse chota lafz hi aisa hai ki hazaron granthon aur mahakavyon ko likh dene ke baad bhi iska poora bakhan koi nahi kar payega.

Kyon ki Maa to sirf Maa me hi poori dikhai deti hai.

Tu.

2007-04-22T08:48:00.000-07:00

Pyaar ka meetha ehsaas dilane lagi hai tu
Ab to mujh se mujhi ko churane lagi hai tu.

Teri chahatoon ka chhaaya hai saroor is qadar
Har pal har jagah nazar aane lagi hai tu.

Veeraan thi yeh zindgi tere aane se pehle
Khushiyoon ke sapne mujhe dhikane lagi hai tu.

Har pal mujhe hota hai bas tera hi ehsaas
Is qadar meri saanson mein samaane lagi hai tu.

Ek pal ki bhi doori seh nahi paata hoon main
Hoke juda kyun mujhe azmaane lagi hai tu.

Raah chalte hue aksar hota hai yeh gumaan
Ke ban saaya saath mere aane lagi hai tu.

Doorie...

2007-04-19T04:53:00.000-07:00

Kisi ko kho dena ya kisi se bichhad jana, alag hone ka dukh ya judai ka gum, yeh sab har ek insaan ki zindagi me kaheen na kaheen, kisi na kisi mod par uske saamne khade hote hi hain. Insaan samaj me rahne wala ek jaanwar hai jo ki samaj ke doosare jaanwaron ke saath samaaj me hi rahna pasand karta hai.

Kisi naye insaan se milna par apni jagah, naam aur rutabe ko bachate hue uske saath dosti karta hai. Aur use in teenon par kisi bhi tarah ka koi khatra dikhai deta hai to naye insaan se dooriyan bhi us hi hisab se rakhi jaati hain. Yaani jitana bada khatra utni hi badi doorie.
Lekin yeh chhota sa insaani dimag aur itani badi duniyadaari. Kabhie kabhie ye wo samajh leta hai jo hota nahi hai aur kabhie wo bhi nahi samajh pata jo aankhon ke saamne din ke aathon pahar chalta rahta hai.

Sach kahoon to itane saare lafzon ko likh dene ke baad bhi main abhi tak yeh soch raha hoon ki main ki main likhna kya chahta hoon. Aaj tak bahaduri ki badi badi deengen hankane wale 'Aalampanah' ko waqt ke sirf ek chhote se dav ne charo khane chitt kar diya.

Kai maheene kuchh logon ke saath rahne, kaam karne aur ladne ke baad maine socha tha ki aakhiri din yahan se jaate waqt mujhe sirf meri gaadi ( jisme main bangalore chhodne wala tha) aur mera kaam dikhai dega aur aakhiri ke dinon tak aisa hi tha. Lekin aakhiri ke un saat dinon me to jaise sab kuchh ghoom hi gaya. Jaise jaise log ja rahe the waise waise zindagi ke kuchh hisse kam ho rahe the aur saath hi zindagi ke ruk jaane ka darr bhi badhata ja raha tha. Par abhi tak housala bana hua tha ki mere jaane se kisi ko koi fark nahi padata. Lekin ek raat kisi ki siskiyon ne mere is bharam ko chakna choor kar diya.

Fir to aisa lag raha tha ki poori zindagi ko jaane ke pahle hi samet loon. Har ek dost jise meri zaroorat hai use apne daaman me sahej loon. Magar mumkin aur namumkin ki samjh hai mujhe aur mujhe pata hai ki yeh mumkin nahi.

Gam hai ki aaj hum saath nahi lekin khushi is baat ki hai ki kuchh aur bhi aise log hain jinhe meri zaroorat aur fikr dono hai.
Sabhi ke liye yeh 'Pakau aur Paagal' abhi bhi wahi hai jo tumhare bagair hamesha adhoora hai. Tum sabhi meri wo jaaydaad ho jo main kisi bhi keemat par apane paas se jaane na doonga.
Miss you so much :(

Alvida Anil...

2007-03-30T21:41:00.000-07:00

Is duniya me insaan jo chahta hai wo use hamesha nahi milta. Lekin kuchh log aise bhi hote hain jo apni lagan, mehnat aur junoon ke bal par, na pakar bhi kaheen zyaada pa lete hain. Aisi hi himmat aur mehnat se apne naam ke saath me apne hindustan ka naam chahun aur roushan karne wale insaan Anil Radhakrishna Kumble.

17 October 1970 ko Bangalore me janme aur R.V. college of Engineering se machanical engineering ki digree pane wale kumble ne apne one day career ka aagaz 25 April 1990 ko Sri lanka ke khilaf Sharjahan me kiya aur iske baad to jaise unhone duniya ke dhurandharon ko pavellion me aarama karvane ka kaam apne jimme hi le liya.

Apne one day career ki shuruat ek medium pacer ke tour par karne wale is mahan spinner ne one day cricket me 331 wicket lekar apna naam 300 se zyaada wicket lene wale gendbajon ki fehrist me chouthe mukam par pahuncha diya. Kumble ne apne 17 saalon ke one day career me kai khitaab apne naam darj karvaye. One day cricket me apni hi gend par sabse zyaada catch lene wale Anil duniya ke pahle gendbaj hai, yeh kaam unhone ne 25 baar kiya hai.

Padma Shri, Arjun Award, Wisdon Cricketer of the year aur Cricket mahakumbh me chaar baar hissa lene jaise bade bade khitabon ko paane ke baad Jumbo ka jeevan bada hi saada hai. Khali samay me Sangeet aur Kitaabon ke shoukeen Kumble apni chhuttiyan adhiktar apne parivaar ke saath hi bitate hain.

Uske theek doosari taraf maidan me Anil apni gend aur balle ke saath kuchh khas hi nazar aate rahe. 1996 me Australiya ke saath Titan cup me lag bhag haar hue match me 'Jumbo' ( Gendon ki raftar ke liye Nayan Mongiya ka diya hua naam) apne balle ka bhi kamaal dikha kar poore desh ko apna deewana kar liya wahi theek agle match me South Africa ke Khilaf unki ghoomti hui googliyon ne sone par suhage ka kar diya. Yeh lamha un anek lamhon me se ek tha jinke bal par Anil ne Hindustan hi nahi balki poori duniya ke cricket premiyon ke dilon me ek mukaam hasil kiya.

Raftaar se ghoomti flipper aur googly, paanch kadmo ka behtreen run-up aur hava me haath utha kar zordaar appeal karne ka wo anokha andaaz dekhne ko ab cricket premi tarsa karnege. Lekin hindustan ke cricket ko abhi bhi Kumble se bahut umeeden hain. Ho sakta hai Cricket ke is beshkeemati HEERE ka hi koi tarasha hua HEERA kal phir se cricket ki duniya ko roushan karta dikhai de.

Asliyat...

2007-03-30T05:55:00.000-07:00

Rajneeti ke tamam hathiyaron ka prayog dekhne ke liye sabse achchha maidan kounsa ho sakta hai? Sabse pahle souchne par mere dimag me Rome ka naam aaya lekin phir maine socha ki wo to sirf hathiyaron ke liye hi itihaas ke pannon me darj hai. Kafi sochne ke baad jab main thak kar choor ho gaya aur sone gaya to kuchh hi der ke baad ek bhayanak khwab ne poore badan ko paseene se tar kar diya. Saansen Madhya pradesh se Himalaya aur Himalaya se Kanyakumari tak doud laga rahi theen. Gale aur zuban par Thar aur Jesal mer ke registani ahsaas the. Ankhon ke aage sab kuch hote hue bhi kuch nahi tha.

Jis maidan ki talaash main kai dino se kar raha tha us hi maidan ke do aadam khor shaitan mujhe khwab me dikhai diye. Ek poorv Grah Mantri aur doosra Manav Sansadhan Vikas Mantri. Dono hi dikhne me to aam aadami ki tarah the lekin jin logon ne unhe kareeb se jaana hai aur unki bhookh ke shikar bane hain wo is khwab ko dekhne ke baad apni jaan bhi de de to koi itaffaq nahi hoga.

Reservation ke jis bill ko lekar hazaron aur lakhon jawan bhookhe aur pyase rahe unke saari himmat aur mehnat ko apne pairon tale roundate hue sadan me bill ko pass kar diya gaya. Lekin is bill ke pass hone ke baad me bhi kai sawal iske saath grahlakshmi ke jinn ki tarah chipke rah gaye.

Aur unhi sawalon par Suprem court ne khayal karte hue is bill ko philhaal rok diya hai. Lekin is rok ke saath me ab sawaal khade hote hain ki jab bill me khamiyan thi to janta ka bhala karne ka dikhava karne wala 'Vipaksh' abhi tak chup kyon baitha raha? Bill me Hindustan ki tadat ka paimana 75 saal purane (1931) aankadon ko banaya gaya hai. Jabki uske baad desh me kitni hi baar logon ki ginti ki ja chuki hai. Sabse badi baat yeh ki is baat ko jaante hue bhi Vipaksh ki chuppi kis taraf ishaara karti hai.

Manjara bilkul sahi hai ki satta ke galiyaron me dosti aur rishte sabhi matlab ki neev par bante hain. Apne vote bank ko bachakar rakhne ke liye is baar vipaksh ke netaon ne bhi bill par thodi si bahas karke saare mamle ko apne safed kapdon ki chakachoundh me chhupa liya.
Kulmilakar baat yahi par aati hai ki saare mudde aur bahas jo bhi satta ke galiyaron me ki jaati hai wo ek chhalava hai. Range - pute chehron aur safed kapdon ke peechhe agar aam aadami dekhne ki koshish karega to kuchh aisa dikhai dega jise dekh kar use zindagi aur mout me fark samjhne me ek pal bhi na lagega.

Kam aur Gum

2007-03-29T01:58:00.000-07:00

Dil Gumsum, zubaan KhamoshYe Aankhein Aaj Yu Nam Kyu Hai,
Jise Kabhi Paya Hi Na Tha , Khone Ka Unhe Aaj Gum Kyu Hai.

Mahfilen, kafile, Hungama aur shor hai yahaan.
Bheed ke saath hota hai jism har baar tanha man kyun hai.

Karigari kajrari aankon ki, utar gayi teer si dil me mere.
Un aankhon se milkar aankhen,ghayal sirf hum kyu hai.

Baaton ka asar jannat ko bhi pheeka karta tha.
zahar ka diya dard bhi aaj judai se kam kyu hai.

Doorie ka ahsaas deta hai har darakht baag ka.
Nazdeekiyon ka dimaag me zaalim bharam kyu hai.

Bhool Gaye..

2007-03-14T00:16:00.000-07:00

Dahleej par meri wo aana bhool gaye.
Choukhat par ham hi diya jalaana bhool gaye.

Aati hui lahron ko ilazaam kyon de hum
Saagar ki chah me apna hi kinara bhool gaye.

Kahte hain zindagi ke kartab hai ajeeb
Ek ajeeb dhang se Mout ka jurmaana bhool gaye.

Mahlon ko banane ki aukat nahi thee
Ab to gharondon tak ke jazbaat bhool gaye.

Bhoolna aadam ki aadat ka hai nishan
Jaddojahad ke is dour me hum aadam jaat bhool gaye.

Dhoop Ke Saath..

2007-03-05T03:53:00.000-08:00

Sadakon par bhatakta raha main raton ko.
Takdeer ki lakeeron ki chahat rah gayi hathon ko.

Muddaton se karta raha koshish kuchh kahne ki
Lafzon ki kami rah gayi har baar baaton ko.

Aaine me chand dikha dhoop ke saath mujhe
Nigal gaya bharam masoom khayalaton ko.

Sooni aankhon me ashkon ka sailaab utha
Baha diya usme tamaam armaano ko.

Mushkil hai zinda rahna bin ab tere is jahan me
Aazadi chahiye jism se in gulam saanson ko.

Nakaab...

2007-02-16T04:38:00.000-08:00

Sookhe hue zakhmo ko dekhoon aaj
khoya kya aur kya chhuta sochun aaj.

Ungaliyon ki chhuan jo thi ungaliyon par kaheen
aankhen khol jee bhar unhen dekhoon aaj.

Chehron me nazar aata hai ek hi chehra
Nakab chehron par rakhoon ya pochoon aaj.

Kaanten hain yahan har ek gul me
Dil me rakhoon ya door inhe fekoon aaj.

Dooriyon me kasak hai zamane ki
thukra doon ya phir us dar par loutun aaj.

Suroor......

2007-02-15T20:11:00.000-08:00

Saanson ki fislan jism se mahsoos hoti hai
Khwahishen bhi kis had tak magroor hoti hain.

Ret ki tarah bikharta jaata hai waqt
Kareeb tanhaiyan aur khushiyan door hoti hain.

Mousam ka aana wazib hai salon saal
Baharen ab yahaan se kafoor hoti hain.

Roushani ki chahat me kahan tak jaoge
Chandani bhi gam me ab masroof hoti hai.

Duniya ne kaha ishq to haraam hai
Laga hame bhi Muhhabat sirf ek suroor hoti hai.

Big... Shilpa...

2007-01-29T20:19:00.000-08:00

"Big Brother" aur Shilpa ka rishta to ab agle kisi naye vivad tak koi nahi bhool payega chahe wo Bhartiya sarkar ho ya British sarkar. Rajneeti ke galiyaron ko garam karne ke saath saath Shilpa ne apne bank account ko bhi karodon ka wajan de diya hai.

Aaj tak hindi film udhyog me dviteey shreni ki abhinetriyon me aane wali Shilpa ke liye ab filmon aur vigyapano ke buland darwaze khul chuke hai. Soundarya prasadhan banane wali companio ko to jaise "Big Brother" ki vijeta ke roop me "God Mother" mil jayegi.

Kuchh bhi ho lekin "Big Brother" jaise reality show ne logon ko paise ka mahatva batana to shuru kar diya hai. Paison ke liye apne tan ke kapdon tak ka dhyan na rakhne wale un logon ko apni jaati aur nasal par kiye hue shabdon ke prahar ka bhi koi farak nahi padta.

Kal tak show ke band kamron ke bheetar galiyon ki bouchhar karne wali "Jade Goody" ko Shilpa adaalat ke katgharon me khada karne ko aatur thi. Show ko jeetne ke baad use hi gale se laga kar badhaiyan lee ja rahi thee. Waheen Shilpa ki maata ji us hi ladki ke Bharat bhraman ke douran use bhojan ke liye aamantrit karna chahti hain. Yeh sab Sirf isliye kyonki ye show ke nirmataon ki maang thi jise poora na karne par Vijeta ka naam bhi badla ja sakta hai aur shayad Vijeta bhi.

Lokpriyata ke chano ko bhunane ke liye Television naam ke dabbe me wo sab dikhaya jata hai jo nirmata chahta hai. Aur us hi kalpanikta ke peechhe hum kuchh dinon se paglaye hue hain.

Pahle se banaye hue aur soche samjhe tareekon se vijetaon ka parinam nikalne wale is tarah ke reallity show apne TRP ko badane ke liye kuchh bhi kar sakate hain. Phir jo kuchh Shilpa ke saath hua wo to kuchh naya nahi hai. Sath hi yeh Meena bazaar ki us abhinetri ke liye bhi bada nahi jisne apne shuruaati dour me film ki script tak padhna munasib nahi samjha tha.

Hindustan...

2007-01-26T00:30:00.000-08:00

Paach hazaar varsh pahle hamare desh wasi ved mantron ka uchcharan kar ke param pita parmeshwar se yachna karte the "sabka bhala karo bhagwan sabko sukh aur shaanti do" aur 500 varsh pahle bhakti ke darshak Guru Nanak Dev ne is hi baat ko saral bhasha me duhraya me "nanak naam chadhdi kala tere paande sabka bhala".
Parantu sabke liye sukh aur shaanti maangne wale hindustani kya khud sukh se rah sake? Rahte bhi to kaise unki dharti ka doosra naam "sone ki chidiya hai jiski mitti me sona aur jungalon me chandan hai".
Shayad is hi liye prakruti ne iski suraksha ke liye uttar me himalaya dakshin me hind mahasagar, poorab me Bangal ki khadi aur pashchim me thar ka registan bana diya tha.
Phir bhi sone ki chamak aur chandan ki khushboo baahar ke hamlavaron ko lubhaati rahi, Sikandar ke ghodon ki tapon ne hamari dharti ke seene kee dhadkane tez kar dee Mangol, Arab, Mugal,Purtgali, Francisy aur Angrez koi bhi peechhe na raha sab aaye aur aate hi rahe.
shayad nahi jante the jahan duniya wale apni apni matrbhoomi se pyar karte hain wahin hindustani apni matrbhoomi ki pooja karte hain.
Karod hindustaniyon ki bhavnaon ko shabdon me dhalte hue hi to bankim babu ne kaha tha "Sujlam suflam malyaj sheetlam shashya shamlam matram " hamlavaron ko haar maan kar jaana pada aur kuchh log yahin ke ho kar rah gaye unhe hamari dharti maa ne god le liya aur itihaas sakshi hai maa ne apni kokh se janme aur god liye bachcho me kabhi antar nahi rakha shayad is hi liye jab jab kisi hamlawar ne hamari dharti par kadam rakhna chaha sab bachche seena tan kar khade ho gaye aur seema suraksha ki deewar khadi ho gayi.
Hamlawar is deewar se takrakar wapas jate rahe jo 1962 me hua wahi 65 me aur wahi 71 me har baar hindustaniyon ne wapas jaate hue dushman ki taraf dosti ka haath badhaya kyon ki hamari dharti ne hame sikhaya hai ki agar nafrat karne wale nafrat ka daman nahi chhodte to muhabbat karne wale muhabbat ka daman kyon chhode.

(Courtesy "Border")

Budiya..

2007-01-24T06:09:00.000-08:00

Subah ki sunahri dhoop na jane kambal ke kis surakh se aankhon me ghus gayi aur kaano ke liye naashta taiyar tha "Raat ko itni der tak na jane kya karta rahta hai aur dopahar tak sota rahega". Har maa ko waqt me teen ghante jod kar batane ki aadat hoti hai. Lekin roz ki tarah chai ke liye rasoi me jaata uske pahle hi ek anjaan chehre ne barbas hi meri nazaron ko kheench liya.

Kandhon par umar ka bojh, hathon me kaam karne ki umang, mathe par chinta ki kuchh lakeeren aur honthon par halki si muskan liye wo aurat sirf apne kam me hi mashgul thi.

Imtahaan ke din nazdeek aane lage aur main achchhe bachchhe ki tarah subah jaldi uthane laga. Magar kamare ki khidki par padhne baithana sirf bahana tha bahar dekhne ka. Intazar to sirf lakdiya beenane wali us boodhi aurat ka hota tha na ki apne sabak poore hone ka. Wo aati ghar ke pichhwade se lakdiyan uthati, ikattha karti aur bandh kar le jati.

Ab to padhai roz hoti thi aur roz khidki se aankhon ko us bhoodhi ko dekhne ka intazaar rahta tha. Bahut dino tak silsila chalta raha par maine ye nahi socha ki ye koun hai aur kya karti hai.

Maa se ek din baton baton me pata chala ki wo ghar se thodi door par kuchh logon ke yahan par bartan manjti hai aur chulhe ke lakdiyan hamare ghar ke peechhe se chun kar le jati hai.

Dimag me lekin abhi bhi kuchh sawal kulmula rahe the jaise wo rahti kahan hai, kitne log hain uske ghar me aur sabse badi baat kis koum ki hai? Maine khud usase hi poochhne ka faisla kiya. Raat bhar sirf subah hone ke intazaar me hi kat gayi aur subah hote hi uske aane ka intazaar shuru ho gaya. Lekin mukammal waqt ke beet jane ke bad bhi uske aane ka hi intazaar tha aur raat ko bhi wahi baat ghoomati rahi ki "wo kyon nahi aayi". Aankh kab lagi pata nahi chala lekin band aankhon se raat me dekha hua sapna abhi tak yaad tha.

Baramde se jakar akhabar uathaya to uski surkhiyan bhi mere sapne ko bayaan kar rahi thi aur tasveer uski jiska kal se mujhe intazaar tha. Khabar thi "Shahar me koumi dangon me teen ghar jale."

Kaam..

2007-01-22T04:18:00.000-08:00

Aankhon me raha kabhi dil main utar kar nahi dekha..
Kashti ke musafir ne kabhi Samandar nahi dekha...

Patthar dil hain wo kahte hain duniya wale..
Wo to Mom hai kisine chhukar nahi dekha...

Kale sheeshon se duniya nazar nahi aati..
Nangi aankhon se bhi hijr me chand nahi dekha...

Rone gaane ko hazaron hai duniya me..
Bachche ke honthon ki muskan ko nahi dekha...

Koum, Jat, Dharm, Vatan sab kuchh yad hai hume..
Insaan ka kaam Tumne, Maine aaj tak karke nahi dekha...

Salaam..

2007-01-19T02:42:00.000-08:00

Din jiska maine teen saalon tak intazar kiya har ek pal sirf ek hi aarman dil me tha kis tarah aakhiri ki kataron se nikal kar sabse aage pahunch jaun. Himmat to itni thi ki pal bhar me wahan chala jaun par logon ki baton ka khayal aa gaya. Log kya kahenge bade bhai ki wajah se pahle hi saal me khada ho gaya aage ja kar. Ek bar phir apni jaldbaji me bhai ka naam badnaam na ho to ek saal ka ek lamba safar phir se shuru ho gaya. Lekin is bar aakhiri katar se nikal kar main theek us jagah ke peeche aa chuka tha jahan main jana chahta tha.

Ek saal wo hi khaki vardi par is bar kandhon par Lal nishan the. Lekin duniya me koi kuchh bhi kar sakta hai lekin logon ki zuban ko pakadna namumkin hai, wo hi saari baten hone lagi jinhe rokne ke liye apne safar ko maine lamba karna munasib mana tha. Bhai ne kaha "Tu ye kali patti wali rank laga kar kya kar lega agar platoon commander banna hai to sunahri (golden) rank honi chahiye." "Tu un logon ki baten hi kyon sunta hai jo khud saalon se kuchh nahi kar paye" bahi bola. Bat to sahi thi aur sach kahoo to mere dimag me janch gayi thi. Ab to sirf ek hi manzil hai wo kaise bhi kar ke TSC poora karna. Mujhe pata tha jis jagah par main khada hona chahta hoon wo bahut hi chhoti hai par shayad meri khwahishen hi chhoti hain.

Sare imthaan, sari takleefen aur sari mushkilen sabhi tinkon ki tarah udti ja rahi thee. Firing, night march, map reading sabhi bahut bada tha mere sathiyon ke liye par mere chhote se lakshya ke samne kuch nahi. Kab mere kandhe sunahre ho gaye khud hi pata na chala.
Itna sab karne ke bad me ab shayad logon ke pas kahne ko kuch rah na gaya tha ya phir kahne ki koowat. Ab meri manzil aur mujh me sirf chand logon ki muhar lagni baki thi magar jis muhar ki mujhe jaroorat thi wo to mere Sir (bhai) laga chuke the.

"Intazaar kisi ka kab tak kiya jaye ek din to sab hassil hai" mere hi likhe lafz mere dimag me the jab us jagah par khada main aapne Tirange ko Salaam (salute) kar raha tha. Khaki kalafdar (starched) vardi, Golden ranks aur wo sabhi jo main pahle bahut bar pahan chuka tha lekin pahli bar unki keemat mahsoos hui thi. Har pal yahi lagta tha bus waqt yaheen ruk jaye par wo ho nahi sakta tha. Ek awaaz par sare kadam ek sath chal pade aur wo nazara dekhne ko mere aansoon bhi betab ho kar aankhon ke kone se jhankne lage the. Wo pukar jis par poore platoon ke kadam aur chehre ek sath uthe the wo kisi kargil ke jawan ko undar baitha gayi thi.

Mujhe kounsi bat wahan bulati thi aaj tak pata nahi par main kabhi bhi apne aap ko rok na pata tha(Aaj bhi nahi rok pa raha hoon). Lekin pyar sathiyon ka, har kadam par sath aur sabse bada unka bharosa jo mere peeche hatne wale kadmon ko bhi rok lete the.
Shoukat ka turnout ho Harsh ka salute, Gajju ka file formation ya Jat ko harane ki shart sab apne aap me lajawab the.

Ek saal bad phir se aisa lagta hai ki us hi pared ground me milkar phir se milkar Tirange ko wo salaam de jiske bad hume khud par naaz hota hai. Wo hi aawaz laga de koi jis par hum phir se anek kadmon ko ek taal par milakar chalte the.
Salaam ke hakdar to tum log bhi ho jinhone mera har tarah se sath diya us Tirange ko salaam karne layak banne me.

Tujhe salaam Dada(bhai) tu har waqt me mere sath hai ye janta hoon main.

Shoukat miya tumhe salaam kar ke main apni hi izzat badhata hoon tujhe dekhkar logon ko pata chalta hai ki dosti me koum koi mayne nahi rakhti.

Harsh: tune mujhe har bar salaam kiya hai lekin aaj tu jis jagah par khada hone ja raha hai whan pahunchne ki mehnat ko mera salaam.

Jat : tu na hota to shayad tujhse aage nikalne ki chahat hi nahi hoti salaam huzoor.

Gajju: tera hona mere sath hamesha takat ka ahsaas dilata tha tere jaisa right hand guide mujhe nahi milge aaj mera bhi salaam kubool kar

Rohit (now in army) : mere dost tujhe hamesha maine apna shooting guru mana hai aur ab to tu rank ke hisaab se bhi salaam lene layak ho gaya hai salaam guru!!

aur aakhiri me Desh ki Dhadkan
Tiranga tujhe har din salaam

Sukoon aur Dard..

2007-01-18T03:22:00.000-08:00

Sukoon aur dard me fasla kya hai
Dono chehron se jhalakte hain.

Dil ki khushi din me jhalakti hai
Yaad ke aansoon raaton me jharte hain.

Jam jashn ke toot-toot ke girte hain
Veerane me hum chhune me bhi darte hain.

Mahfilon me kuchh palon ki zindagi hai
Ghar ke aalam shamshan se badtar lagte hain.

Khwabon ki duniya badi rageen hai
Haqeekat me hum ab bhi aahen bharte hain.

Chand bhi hai Khafa..

2007-01-17T02:28:00.000-08:00

Jaate jaate main tumhe ye kah na saka
Meri duniya me tere bina hai kya rakha.

Tamanna karoon kuchh pane ki kya kabhi
Gharondon ko tak main bacha na saka.

Umeedon ko poora karna bus me nahi ab
Zindagi se khud rahta hoon thaka-thaka.

Sitare chale gaye gardish me sare
Chand bhi aaj kal hai mujhse khafa.

Halat ban gaye matam ke gulashan me
Saanse hone lagi hain jism se dafa.

Aawaz bhi jati nahi tujh tak ab to
Parde me ja chhupe hain wade aur wafa.

Pyar aur Takrar....

2007-01-15T03:34:00.000-08:00

Khelne ka waqt mil jaye aaj sath tere
Arman kuchh to poore ho phir se mere.

Ladna tujhse ek kameej par din bhar
Dekhana tamashe sadak par madari ko ghere.

Pyar aur takrar me fark nahi hamare liye
Apni bat karke bane rahna goonge bahre.

Chori chhupe ghusna ghar me rat ko
Chourahon par dena ghanton tak phere.

Sikhaya tune mujhe kya kya nahi
Pehla dost hai tu dil me mere.

Waqt ne paida ki dooriyan meelon ki
Lahoo-o-khayal wahi hain aaj bhi tere-mere.

KYON...

2007-01-13T06:24:00.000-08:00

Kisi ki peshani ki lakeeron ko dekh laga yoon
sare jahan me hai shakhs pareshan kyon.

Gamon ka saya to sabhi par padta hai
kisi ke jane par ye ashkon ka dariya kyon.

Bachche ka rona aangan me lage pyara
bachchi ki kilkariyon pe ye hangama kyon.

Ameer ke ghar ka alaav ghee se jala
Gareeb ke choolhe aur ghar me andhiyara kyon.

Sabak dete samjhate hain log sabhi ko
Aaine me dekhne ka khud ko nahi koi paimana kyon.

Had ho Gayi

2007-01-11T00:06:00.000-08:00

Is kadar chahat ka imtahan na leejiye
Kyon ho khafa ye bayan to keejiye.

Kar deejiye maf agar ho khata meri
Yoon chup rahkar saza to na deejiye.

Har khwahish meri tujh se hi shuru hai
poora karoon inhe koi sira to deejiye.

chahat ki aapni misal kya doon tumhe
jaan bhi hai aapki ek bar aazma kar dekhiye.

Had ho gayi hai adaon ki ab to
hume dekh kar muskura to deejiye.

Tujh Par...

2007-01-10T22:22:00.000-08:00

Katara katara dhoop ka girta hai tujh par
Ye rang abra ka bahut khilta hai tujh par.

Aaj se pahle kabhi dekha na tujhe aise
Kahan se aaya hai ye shabab tujh par.

Ghayalon ki fehrist me dakhil ho jaun main bhi
Waise bhi ilzam kahan padta hai tujh par.

Honsh walon ke hawaas guma diye tune
Ab to anpad bhi sare aam likhta hai tujh par.

Galiyon se guzarna mushkil ho gaya hai mere
Har ek shakhs shahar ka marta hai tujh par.

2007-01-10T06:11:00.000-08:00

Nigahon ki rahon se (Aazad)

Koi chaudhveen raat ka chand ban kar

tumhaare tasavvur me aaya to hoga.

Kisi se to kee hogi tum ne muhabbat

kisi ko gale se lagaya to hoga.

Tumhaare Khayalon ki angadaiyon me

meri yaad ke phool mahake to honge.

Kabhi apni aankhon ke kajal se tum ne

mera naam likh kar mitaya to hoga.

Labon se muhabbat ka jadu jagakar

bhari bazm me sab se nazren bacha kar.

Nigahon ki rahon se dil me sama kar

kisi ne tumhe bhi churaya to hoga.

Kabhi aaine se nigahen milakar

jo lee hogi bharapoor angadai tune.

To ghabarake khud teri angadaiyon ne

tere husn ko gud-gudaya to hoga.

Nigahon me shama-e-tamanna jala kar

taki hongi tum ne bhi raahen kisi ki.

Kisi ne to vada kiyaa hoga tum se

kisi ne tumhe bhi rulaya to hoga.

Koi chaudhveen raat ka chand ban kar

tumhaare tasavvur me aaya to hoga .

Kisi se to kee hogi tum ne muhabbat

kisi ko gale se lagaya to hoga.

2007-01-08T02:32:00.000-08:00

Zindadili Se Hath De Koi

Yadon ke sahare teri zindagi guzar de koi
Har ek hansee par doulat-e-jahan var de koi

Jane ke bad me main itna yad kyon aaya tujhe
Is bat ka kabhi to mukammal jawab de koi.

Zindagi me rakhne ko bacha hi kya hai
Jo hasil kiya ab tak uska hakdar de koi.

Zamane ke angaron ne daga hai dil ko
Kabhi to thandak-e-shadab de koi.

Pairon ko jamkar zameen par chaloon ab
Dost bankar zindadili se hath de koi.

Tadpane ko phir se aa na jaye tu kaheen se
Is chehre ko badalne ko thoda sa hijab de koi.

Khoobiyan

2006-12-17T05:25:00.000-08:00

Kabhi mujh se kuchh kaha nahi jata
Kya karen koi kam waqt par ho nahi pata.

Sochha tha subah bagon ki sair hogi
Kambakht neend ko taras hi nahi aata.

Taleem ki bat ho ya bat Noukari ki
Jahil hoon main theek se khana nahi aata.

Gayaki ke liye logon ne dhakela mujhe
Koi besura bhi mujhse achchha hai gata.

Khoobiyon ki to kami hi nahi mujh me
Jisne ne dekha use me nalayak nazar aata.

Abba ne har kam ke bad hai kaha mujhe
Tu meri aulad warna tujhe pagalkhane bhijwata.

2006-12-12T05:47:00.000-08:00

Help me!!!

Our group, their group, they are using this technology why not we are? For their work you didn’t attend that meeting, you are biased not impartial. Why don’t you come at time (at 9.15 they said "baj gaye tumhare 9”), why are you wasting time with them? Why can’t we get Van, Mixer, Mike......
These all statements are easy to make but did they ever think that the person whom they are talking to is also at the same stage like them. He also has some restrictions and which situation is he working in. They always want everything according to their demand but they don’t know how difficult is that demand to fulfill; even they don’t want to understand.
They have their own life; they can go anywhere they want, whenever they want. But you can’t do anything without their permission. Is it possible to make everybody happy in our life? They are also my friends and when they wanted me to help at that I was free and I did that. And I think I am doing with my group with the same stamina even after physical problems.
But now I have to decide that should I help people or not. Will they never be willing to take help of anybody who commented on my co-operation?

2006-12-11T05:15:00.000-08:00

Wo jise main janata hoon..

Samne uske khade ho jane se ek khayal dil ko jhakjhor gaya. kya yeh wahi insaan hai jiske liye maine apni zindagi ke pahle pal se saans lee hai? Ya phir yeh wo hai jise maine aaj hi dekha hai. Aankhen to meri aankhon ki tarah hi hai. Jism par nazar dali to wahi ikahara badan haddiyon par chamde ka khol. Mathe par gusse aur pareshani ki kuchh lakeeren. Dil ki dhadkan bhi saff mahsoos ho rahi thi aur honthon par kuchh lafz aise jinhe tanhai me kahna usne lazmi na samajha. Uske chehre se meri poori zindagi bayan ho rahi thi aur main sirf khada hokar dekh raha tha. Uska naam, uska pata, koum, mulk mujhe nahi pata. Maine jab apne walid se poochha tho unhone kaha tha “Bachchhe ise Aaina kahte hain.”

2006-12-09T23:12:00.000-08:00

Kisi ki baton me

Meri tanhai bhi itani kamzor thi
Main tujhe bhula na saka.

Ek lamha bhi tere sath bitaya hua
Muddaton bad bhi yadon se ja na saka.

Khwahishen jitni thee Arman jo the tere khatir
Unke ek royen ko bhi main pa na saka.

Kisi ki baton me ab wo Tabbasum nahi
Kisi ka thahaka bhi mujhe hansa na saka.

Khul kar kiye the jo wade maine tujhse
Wahi ek bat hai jo main nibha na saka.

Mousam-E-Ishq me jab pukara tha tune
Gam rahega ta-umr, waqt par main wahan ja na saka.

2006-12-09T04:49:00.002-08:00

Tune diya hosla mujhe

Ahssas tera mere sath hai
Tu yahin to kahin aas pass hai.

Us waqt ko kya khoon jo bitaya tere sath
Us jagah ka kya kahna wo to jannat se bhi khass hai.

Zammane se bhi lad kar tham liya tune mujhe
Aaj bhi meri peshani par tera komal hath hai.

Zindagi na di tune magar jeena mujhe sikhla diya
Tune diya hosla mujhe tune diye jazbat hain.

Tujh bin main jaun kahan kisse milun
Tu hi to mera jahan tu meri kaynat hai.

Meri zindagi teri amanat rahegi hamesha
Khoon ka har ek katra MAA tera karzdar hai.

2006-12-08T04:03:00.000-08:00

Tujhe khone ka khayal kafi hai rooh ki ravangi ke liye
Tere siva aur kya chahiye Mujhe deewangi ke liye.

Main duniya ke sare aansu le aaya hoon ankhen tar karne ko
Ab to tera hi dar aur tera hi shahar dikhta hai basar karne ko.

Log jo kaste the fikre kabhi tujh par
Tane mara karte hain wo ab mujh par.

Sans ka kya chalna aur kya dil ka dhadakna
Wo mera tujhe dekh kar bin sharab bahkna

Kiski thi bhool kiski khata yeh koun jane
Aise hi muhabbat kar baitha main tujhse anjane.

Rat ka chand bhi poochhata hai ab mujhse
Kya pyar kiya tha kabhi usne tujhse.

Tujhe mahsoos karta hoon main ab bhi
Un cheejo se jinhe chhua ta tune kabhi.

Pyar ka anjam waqi bahut bhala hai
Teri bheekh ki khatir koi intazar me aaj bhi khada hai

2006-12-04T07:56:00.000-08:00

Aadami ka Khouf

One day when I was at my home alone a parcel was left at the door. I opened that and inside there was another box. Inside the second box there were puzzle pieces. I didn't think much of that and left that. Later that night when I was in bed and I heard noises outside my window. Scared, I decided to solve that strange puzzle to keep my mind off of the spooky noises. As I was putting that together I realized that the puzzle was of my bedroom scared and yet curious. I continued to solve the puzzle. Until I noticed that I was in the puzzle solving a puzzle and that there was a tall dark man outside my window holding a knife!! Totally freaked and dazed I looked slowly up at my window and there he was the man from the puzzle looking at me!! I screamed as loud as I could and ran into the lounge and tried to tell mum what had happened. She completely ignored something or me like I was invisible. That was when I realized she COULDN'T see me. Horrified I ran outside only to feel a sharp pain right in my back I turned expecting the man from the puzzle. As soon as our eyes met.........I woke up!

2006-12-03T07:06:00.000-08:00

Whome can we blame?

One more train accident in the black record of Railway Ministry. In Bhagalpur more than 35 were died and more than 200 were injured when one ancient ( 150 years old) over bridge fell on Hawara - Jamalpur express.
But did you ever think why doesnt it happen to houses of our respected ministers. Now our number one revenue generating sector is being as politics of Bihar.
Our White dressed gentelmen always said after the accidents " This happend due to human mistake and we have suspended three officers." But these "Men in White" are the actual accountable for these accidents. " Oh! what they can do either they can think about their party and state elections or their mistry."
From the year 1996 approximate 30 train accidents accured. In year 1996 four, 1997 three, 1998 five, 1999 three, 2001 three, 2002 one, 2003 seven, 2004 one, 2005 six and in year 2006 this is fifth rail accident. Chahe railway ministry chara eater ke pass ho ya Nitish cheater ke pass inki Bhookh to masoom janta ko apni jan aur mal se hi mitani padegi.
The railway officials are also responsible that they do not pay attention towards railway assets and do not submit the actual reports in which railway wants so much improvement.
Those people are responsible who seems like Indians but behave like any rival. They destroy public and railway property just for fun. Contractors are also in the same category
Who else is responsible. Yes we are because we didnt stop anyone who was destroying railway property and we happily agree to bribe TTE to get one seat. And most imporatant that we are the voters who are electing these people who are already accused of major cases.

2006-11-05T01:34:00.000-08:00

Powerful Group "Grenadiers"

The name The Grenadiers I heard in 1999 when its brave soldiers established Indian tri-colour on Tiger hill in Drass sectore during the Kargil war. I was working on Kargil file at that time and collecting all the pictures and information about Kargil war and Indian soldiers. That time I got a picture in which a group of soldiers was showing Tiranga as victory mark. After cutting that picture from India Today I placed that in my file and gave a caption “Duniya me jitna ooncha jaoge isse (Tiranga) har jagah paoge.” I couldn’t forget that picture.
In my collage I joined NCC and after some day I saw my officer with a grenadier’s badge in his cap and title on his shoulder then both the things recalled my memory and remembered that picture of my file.
Basically The Grenadiers is one of the regiment in Indian army. The earliest grenadiers (in the late 16th century) were infantry soldiers particularly selected and trained to hurl grenades. The grenade of the time was a hollow iron ball, filled with gun powder and sealed with a wooden plug which contained the fuse. To ignite the grenade the grenadier carried a burning piece of cord called a slow match. Exceptional strength and courage were needed for hurling the grenade, and accidents were not uncommon. Grenadiers earned higher pay, received special privileges, and were distinguished by their height, dashing uniform, and tall, mitre-shaped headdress (shako). During the 18th century there was a gradual decline in the use of grenades, but grenadiers were retained as elite troops.
The 113th Infantry united with 101st Grenadiers, 102nd King Edward's Own Grenadiers, 108th Infantry, 109th Infantry, and 112th Infantry, to form 10th Battalion, 4th Bombay Grenadiers in 1922. Infantry regiments formed after 1922 were not numbered. Infantry regiments omitted their numbers in October 1945 (except Punjab Regiment). Thus 4th Bombay Grenadiers came to be known as The Indian Grenadiers in 1945 and was given to India. On the eve of independence and partition between India and Pakistan the army was partitioned in the ratio of 2:1. In 1950, it was renamed as The Grenadiers. In order of precedence it came after Punjab and Madras regiments. Brigade of Guards was raised in 1950 (1st Grenadiers became 2nd Battalion, Brigade of Guards). Parachute regiment was raised in 1952. Mechanised Infantry regiment was raised 1979 (7 Grenadiers converted to 9 Mechanised Infantry Battalion). The new order of precedence of infantry regiments in 1990 was: Guards, Parachute Regiment, Mechanised Infantry, Punjab, Madras and then Grenadiers.
The Grenadiers have one of the longest and unbroken records of existence in the Indian Army. They played an integral part in the Kargil War of 1999 against Pakistani military intruders. Their gallantry was displayed during the battles of Tololing, Point 4590, Three Pimples and most significantly in their historic re-capture of Tiger Hill on the night of July 3-4, 1999. Over its history in post-independence India, the Grenadiers have earned three Param Vir Chakras which are the highest gallantry award of the Indian Army. They have also won two Ashok Chakras, seven Maha Vir Chakras, four Kirti Chakras, two Param Vishisht Seva Medals, two Ati Vishisht Seva Medals, two Uttam Yudh Seva Medals, thirty three Vir Chakras, sixteen Shaurya Chakras, three Yudh Seva Medals, seventy one Sena Medals and twenty seven Vishisht Seva Medals.
During my four years training they feed the feeling of patriotism and a load of endurance. Sub major Joginder sing, Hawaldar Hoshiyar sing, Subedar Brijraj sing and colonel Amar Sing Sawant they all trained us for platoon attack, section attack, firing, drill and for national competitions like Republic day camp, Night march, obstacles and map reading. After completing my training I am not with them but they made me like them. And I feel always their war cry in my self “SARVADA SHAKTI SHALI” (Always powerful).

2006-10-27T06:37:00.000-07:00

Really you are the great

Why are you not here to make me happy and relax after this traumatic work and lethal tension? This is only you with whom I felt cool even after my four days continuous journey or one month of hard training camp. From navaratri to Deepawali I missed you so much and you also know why? Your morning alarm and before leaving home you never forgot to remind me for going Kalikamata first. Your reproach for late lunch and dinner, chips and bananas on the day of Ashatmi, Teeka of Vijayadashmi and extra money for basketball or hockey stick. During the cleaning I always asked to replace my shields and momentous but you said, “ Tujhe kya pata kitni mehnat se aate hain ye sab” and you place those very gently as your own achievements. Loads of work and every work took place with the time just because of your planning, help and the most important your trust made me to bear all the responsibilities.
When all were in against of me you supported me for my workings and I could gain so much of experience from there. You created a world for my comforts and relaxation. Sometimes you imposed something but finally that made me efficient.
You were always aware that what was I doing, but you always showed your trust so I realise my mistakes.
I know you are in the same condition like me but we both are unable to meet at this time. This time is more panic than the duration I spend for TSC. I am desperate to see you and cry.
Now I understand deference between Yashoda and Deveki. Really it’s you and the sweet world made by you(family) which made me capable to take all those responsibility and understand all the relationships in my life.
I want you not for this life only but for every life

2006-10-05T13:00:00.000-07:00

Blood shedded platforms, scared people; crying women and children, everybody was running to save their lives. Is it scary, horrible or terrible? No! It is laughable for those terrorists who attack Indians daily all over the country whether it is Mumbai, Malegaon, Bangalore or parliament house. They can work any where and wreck the soul of this insecure country.

This is happening because of drawbacks of our security system. There is a huge communication gap between intelligence agencies and local police. The police cant get information directly from intelligence agencies. Like in the case of Kargil war our agencies gave the information about infiltration but due to communication gap that bloody war took place.

Second major problem with our intelligence agencies is that its officers are on the deputation from IAS, IPS and some other higher departments. Those officers who dont work there or dont want to work there are deputed in intelligence agencies. Thats why our government made these agencies as a dumping ground for such type of officers.

In India we have different police departments for different states and it creats so many problems for police itself to arrest any terrorist or illegal immigrants. And after crossing the borders they feel relaxed because it is difficult for police to catch them.

In the case of naxalites we have police but the constables dont belong to that place where they work. Due to this they are not familiar with those areas where naxalites live and dont know the paths which naxalites use.

The biggest problem with our security is corruption. Arms and ammunition of Indian difence are going to terrorists and our soldiers are fighting against their own arms. It is not done by any hawaldar or low designated person but it is an act of highly posted officers and politicians. So if we want to overcome such type of problems, first we have to fight against corruption and simultaneously work for upgradation of our security agencies and police force.

After doing all these we can think of living in a fearfree India.

2006-10-01T11:54:00.000-07:00

Today I am feeling different from other days of my life. I am in the same condition in which I was before three years. In these three years I felt that I'll never do this again but suddenly I brock my all the commitments and promises. It doesnt mean that I played mischief with someone. I am making fool myself but I am unable to protest this feeling which is growing rapidly in my mind, body and soul.

Yes I am in love!!

I dont know when it started in my busy life in which i dont have time to breath even. In this bone breaking life she makes me normal with her humorous statements, always fights with me when we are not in group but always stands with me when every one opposing me. She has all the qualities are not doesnt matter but has some qualities to make me happy and normal. I spend my most of time in a day with her and I think she also enjoys my company.

It is defficult for me to ask her, "I love her."

Will she deny me ?

Will she shout?

Will she hit me?

OR

She will be shy, hide her face with her palms and will run away.

What ever but I will love her upto end of my life. Because I feel love as The God and no body can leav God in his/her whole life.
In this world Two things are every where GOD and LOVE

SO, love people and loved by people.

2006-09-14T09:50:00.000-07:00

You may laugh off the liking of the psychiatry community in the USA for coining names such as dance or walk therapies which are based, on pure common sense or on practices that have always been around in various cultures. But then you may feel like giving them a hug. For by calling it a therapy, giving it a name, and ardently promoting it, they often manage to create awareness about a healthy and wholesome habit that is endangered by the bustle of modern life. Hug therapy is a typical example.

Big deal, you say, when you hear the term for the first time. But try to recollect the last time you hugged somebody or somebody hugged you. In all likelihood, it was too long ago. Worse, the answer may be 'never' if you are the kind who begins from physical contact. Touch has come full circle in the West this century. Time was when parents and hospitals were advised to leave a crying baby alone. Today the pediatricians and psychologists tell us to pick up and cuddle our children. Toys, even teddy bears, whose use has been increasing in the recent decades, are a poor substitute for the human contact needed by children.

In psychoanalysis, developed early this century, the couch symbolized the distance from the patient that the therapist had to maintain. The taboo against touch was broken in the heady 1960s and '70s by the hippies' love-ins and professionally by some therapists who introduced it in the encounter groups. Since then many psychological counsellors are expanding the definition of "hug" by even patting and massaging their clients in the course of normal therapy. The idea is to add touch to the powers of speech, listening and observation. The argument goes that the client's skin can observe care and comfort.

Hugging is being used even as an aid in treating some physical illnesses, following research that it leads to certain positive physiological changes. For example, touch stimulates nerve endings, thereby helping in relieving pain. It is thus not uncommon for a chronic pain patient to be prescribed "Therapeutic touch” which involves placing the hands on or just above the troubled area in the patient's body for half-an-hour (shades of reek). This pushes up the haemoglobin levels in the blood, increasing the delivery of blood to tissues, a study at the nursing department of New York University showed. Some nurses' associations in the USA have since endorsed therapeutic touch.

Any health problem makes the sufferer feel vulnerable, frightened, angry, frustrated and helpless. The patient usually needs to educate himself to make certain life changes. Hugging can give him the positive emotional state necessary to make these changes. In one study, pet ownership was seen to contribute to the survival of heart patients. The inference: the cuddling of pets has a soothing effect that reduces the stress levels in heart attack victims.

When some one hugs me i feel very relax and happy after that. The act of hugging presses and pumps our lungs so they work more efficiently. Touch gives you imotional strength and make you normal with someone even you dont know. Touch of a kid make you feel belongingness and the touch of your father ensure you for reliability.

You may feel the touch of thoughts also. When a good thought touches you then you can change so many things in right manner but you should feel the same. In our daily life we feel the thought of our dearest like your mother, siblings, friends, spouce or even your pet.
So it depends on you, what you want to feel and what you want to do. Becouse..........

We need 4 hugs a day for survival. We need 8 hugs a day for maintenance. We need 12 hugs a day for growth.